Каляндар Бахарэвіча
«Каляндар Бахарэвіча» — зборнік эсэ беларускага пісьменніка Альгерда Бахарэвіча, выдадзены ў 2014 годзе ў серыі Бібліятэка Радыё Свабода.
| Каляндар Бахарэвіча | |
|---|---|
 | |
| Аўтар | Альгерд Бахарэвіч |
| Жанр | эсэ |
| Мова арыгінала | беларуская |
| Выдавецтва | Радыё Свабода |
| Выпуск | 2014 |
| Старонак | 464 |
| ISBN | 978-0-929849-64-5 |
| Папярэдняя | Гамбурскі рахунак Бахарэвіча |
| Наступная | Ніякай літасьці Альгерду Б. |
Пра кнігуПравіць
Зборнік складаюць 366 эсэ пра падзеі, асобаў і факты гісторыі, якія варта ведаць, каб адчуць сябе часткай чалавецтва. Гістарычныя факты ў кнізе па-мастацку пераасэнсаваныя аўтарам. З календара можна даведацца, у які дзень Жанна д’Арк апошні раз у жыцці апранула мужчынскае адзенне, як спужаная ўлада хацела даць дошкай па галаве ста тысячам удзельнікаў усебеларускага страйку і іншае.
Гісторыя стварэнняПравіць
«Каляндар Бахарэвіча» ўпершыню з’явіўся ў 2013 годзе на сайце і хвалях Радыё Свабода. Гэтая кніга стваралася ў Гамбургу, Мінску, Уроцлаве і Вісбю[1].
Зноскі
- ↑ Прэзэнтацыя кнігі "Каляндар Бахарэвіча" з сэрыі "Бібліятэка Свабоды", Галерэя "Ў" (5 чэрвеня 2014).