Каліфарнійскі ўніверсітэт у Сан-Дыега
Каліфарнійскі ўніверсітэт у Сан-Дыега (англ.: University of California, San Diego) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Сан-Дыега ў штаце Каліфорнія, ЗША.
| Каліфарнійскі ўніверсітэт у Сан-Дыега | |
|---|---|
| англ.: University of California, San Diego | |
 | |
 | |
| Арыгінальная назва | англ.: University of California, San Diego |
| Заснаваны | 1960 |
| Студэнты | 42 875[1] |
| Краіна | |
| Размяшчэнне | Сан-Дыега, Каліфорнія, ЗША |
| Узнагароды |
Сярэбранае кавадла[d] (1973) |
| Сайт | ucsd.edu |
 Медыяфайлы на Вікісховішчы | |
Агульная характарыстыка
правіцьЗаснаваны ў 1960 годзе побач з раней існуючым інстытутам акіянаграфіі, Каліфарнійскі ўніверсітэт у Сан-Дыега з'яўляецца самай паўднёвай з 10 ўстаноў сістэмы Каліфарнійскага ўніверсітэта і прапануе больш за 200 праграм вышэйшай адукацыі, у якіх навучаюцца 33 тысячы будучых бакалаўраў і амаль 10 тысяч магістраў. Універсітэт займае 881 га недалёка ад узбярэжжа Ціхага акіяна, а галоўны кампус размяшчаецца прыкладна на 466 га.
Універсітэт складаецца з 12 прафесійных школ, а таксама 8 студэнцкіх каледжаў-інтэрнатаў. Ва ўніверсітэце працуюць 19 даследчых падраздзяленняў, а таксама 8 даследчых падраздзяленняў Школы медыцыны, шэсць даследчых цэнтраў у Інстытуце акіянаграфіі і інш. Каліфарнійскі ўніверсітэт у Сан-Дыега таксама цесна звязаны з некалькімі рэгіянальнымі даследчыцкімі цэнтрамі. Ён класіфікуецца як доктарскі ўніверсітэт з вельмі высокай даследчай актыўнасцю. Нацыянальны навуковы фонд ЗША паставіў Каліфарнійскі ўніверсітэт у Сан-Дыега на 7-е месца сярод амерыканскіх універсітэтаў па выдатках на даследаванні і распрацоўкі ў 2021 годзе з 1,42 мільярда долараў.
Універсітэт уваходзіць у так званую Грамадскую Лігу плюшчу. Выкладчыкі, даследчыкі і выпускнікі Каліфарнійскага універсітэта ў Сан-Дыега атрымалі 27 Нобелеўскіх прэмій, а таксама 3 медалі Філдса, 8 нацыянальных медалёў навукі, 8 стыпендый Макартура і 3 Пулітцэраўскія прэміі. Акрамя таго, з цяперашніх выкладчыкаў 29 былі абраны ў Нацыянальную інжынерную акадэмію ЗША, 70 — у Нацыянальную акадэмію навук ЗША і 110 — у Амерыканскую акадэмію мастацтваў і навук.
Структура
правіць- Інстытут акіянаграфіі
- Школа медыцыны
- Медыцынскі цэнтр
- Школа інжынерыі
- Школа менеджменту
- Школа міжнародных адносін і ціхаакіянскіх даследаванняў
- Суперкамп'ютарны цэнтр
- Цэнтр амерыкана-мексіканскіх даследаванняў
- Інстытут глабальных канфліктаў і супрацоўніцтва
- Інстытут Амерык
- Школа фармацыі і фармацэўтычных навук
- Каліфарнійскі інстытут тэлекамунікацый і інфармацыйных тэхналогій
- Цэнтр даследаванняў у галіне вылічальнай тэхнікі і мастацтваў
- Міждысцыплінарны цэнтр мастацтвазнаўства, архітэктуры і археалогіі
Гл. таксама
правіцьКрыніцы
правіць- ↑ About Students Праверана 8 кастрычніка 2022.
- ↑ Global Research Identifier Database — 2015. Праверана 25 чэрвеня 2020.
- ↑ Gateway to Research Праверана 8 кастрычніка 2022.
Спасылкі
правіць
На Вікісховішчы ёсць медыяфайлы па тэме Каліфарнійскі ўніверсітэт у Сан-Дыега- Афіцыйная інтэрнэт-старонка ўстановы