Канстанцін Рыгоравіч Прэдка

Канстанцін Рыгоравіч Прэ́дка (14 лютага 1942, в. Пацавічы, Мастоўскі раён, Гродзенская вобласць, БССР — 22 верасня 2000) — беларускі фізік. Доктар фізіка-матэматычных навук (1987), прафесар (1991). Лаўрэат прэміі Ленінскага камсамола Беларусі 1974.

Канстанцін Рыгоравіч Прэдка
Дата нараджэння	14 лютага 1942(1942-02-14)
Месца нараджэння	Пацавічы, Самуйлавіцкі сельсавет, Мастоўскі раён, Баранавіцкая вобласць, БССР, СССР
Дата смерці	22 верасня 2000(2000-09-22) (58 гадоў)
Род дзейнасці	фізік
Навуковая ступень	доктар фізіка-матэматычных навук
Альма-матар	БДУ

Біяграфія

Скончыў у 1963 годзе БДУ. З 1963 года ў Інстытуце фізікі, з 1970 года ў Інстытуце прыкладной оптыкі Нацыянальнай АН Беларусі.

Навуковая дзейнасць

Навуковыя працы па оптыцы відарысаўтваральных сістэм. Распрацаваў метады даследавання перадатачных функцый, якія апісваюць заканамернасці пераўтварэння энергетычных і прасторавых структурных уласцівасцей аб’екта, апаратуру для кантролю асноўных інфармацыйных характарыстык шэрагу элементаў відарысаўтваральных сістэм.

Творы

• Характеристики записи оптического изображения на электроночувствительных слоях // Распространенне света в дисперсной среде. Мн., 1982;
• Оптика люминесцентного экрана. Мн., 1984 (разам з А. П. Івановым).

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).