Канцэрт (карціна Вермера)

«Канцэрт» — карціна нідэрландскага жывапісца Яна Вермера, створаная паміж 1663—1666 гадамі. У 1990 годзе карціна была выкрадзена з бостанскага Музея Ізабелы Сцюарт Гарднер і дагэтуль яе месцазнаходжанне не вядома. Карціна лічыцца самай дарогай з выкрадзеных і зніклых карцін, яе кошт прыкладна ацэньваецца ў 200 мільёнаў долараў.

Ян Вермер
Канцэрт. каля 1663
нідэрл.: Het concert
Матэрыял	Масла
Тэхніка	Палатно
Памеры	72,5 × 64,7 см
выкрадзена з Музея Ізабелы Сцюарт Гарднер
(інв. P21w27)
Медыяфайлы на Вікісховішчы

На карціне намаляваны трое музыкантаў: дзяўчына іграе на клавесіне, мужчына іграе на лютні і яшчэ адна дзяўчына спявае. Клавесін упрыгожаны роспісам з відам Аркадыі. На падлозе ляжыць яшчэ адзін музычны інструмент — віёла да гамба.

На сцяне пакоя, дзе знаходзяцца музыканты, вісяць дзве карціны — «Зводніца» Дырка ван Бабюрэна (таксама яна з'яўляецца на карціне «Дама, што сядзіць за вірджыналем») і пастаральны пейзаж. Магчыма, карціны могуць раскрыць глыбей адносіны паміж героямі карціны, тыя паглынуты сваёй музыкай, таму іх гісторыю за іх распавядаюць дэталі. У жывапісе Вермера музычная тэматыка часта перагукваецца з тэмай закаханасці і спакусы (як, напрыклад, на карціне «Перапынены ўрок музыкі»).

Карціна была прададзена ў 1696 годзе, пасля чаго пра яе не было нічога вядома да 1780 года. У 1892 годзе на аўкцыёне ў Парыжы яе за 5 тысяч долараў купіла Ізабела Сцюарт Гарднер, з 1903 года твор быў выстаўлены ў заснаваным ёй музеі. 18 сакавіка 1990 года некалькі злодзеяў, перапранутых у паліцэйскую форму, выкралі з музея 13 прац, сярод якіх быў «Канцэрт», пошукі карціны нічога не далі і цяпер пра яе месцазнаходжанне нічога не вядома.