Капліца Найсвяцейшай Дзевы Марыі (Гароднікі)

Капліца Найсвяцейшай Дзевы Марыі — каталіцкая драўляная капліца ў вёсцы Гародніках Ашмянскага раёна Гродзенскай вобласці. Размяшчаецца на могілках.

Капліца
Капліца Найсвяцейшай Дзевы Марыі
Гароднікі. Капліца на могілках (01).jpg
54°22′17″ пн. ш. 25°51′29,10″ у. д.HGЯO
Краіна Flag of Belarus.svg Беларусь
Вёска Гароднікі
Канфесія Каталіцтва
Епархія Гродзенская дыяцэзія
Дэканат Ашмянскі
Архітэктурны стыль народнае дойлідства
Заснавальнік Снядэцкія
Дата пабудовы 1864 год
Стан дзейнічае
Лагатып Вікісховішча Капліца Найсвяцейшай Дзевы Марыі на Вікісховішчы

ГісторыяПравіць

Капліца на мясцовых могілках вядома з першай трэці ХІХ стагоддзя, да 1830 года тут была капеланія ад францішканскага кляштара са Старых Ашмянаў (зараз ускраек горада Ашмяны). Новая капліца на яе месцы пабудавана ў 1864 годзе як сямейная пахавальня тутэйшых землеўладальнікаў Снядзецкіх і прыпісана да ашмянскай парафіі[1].

З’яўлялася сямейнай пахавальняй уладальнікаў маёнтка Снядэцкіх. Адлюстравана на малюнку Напалеона Орды 1876 годзе[2]. Адрэстаўрыравана ў 1990 годзе. Побач з капліцай пастаўлена мармуровае надмагілле вядомаму польскаму вучонаму і асветніку А. Снядэцкаму (1768—1838).

АрхітэктураПравіць

Помнік народнага дойлідства. Прамавугольны ў плане зруб з трохграннай апсідай, над якой агульны двухсхільны дах пераходзіць у вальмавы. Франтальны фасад завершаны чатырохграннай вежачкай. Ашаляваныя сцены зруба расчлянёны арачнымі аконнымі праёмамі і вертыкальнымі брусамі-сцяжкамі ў прасценках. У інтэр’еры над уваходам — хоры[3].

Зноскі

ЛітаратураПравіць

СпасылкіПравіць