Капліца ў гонар абраза Божай Маці «Ціхвінскі» (Гродна)

Капліца ў гонар абраза Божай Маці «Ціхвінскі» — драўляная праваслаўная капліца ў горадзе Гродна. Знаходзіцца на вуліцы Курчатава, 19.

Капліца
Капліца ў гонар абраза Божай Маці «Ціхвінскі»
53°42′16″ пн. ш. 23°48′35″ у. д.
Краіна	Беларусь
Горад	Гродна
Канфесія	Праваслаўе
Епархія	Гродзенская і Ваўкавыская
Благачынне	Гродзенскае
Дата пабудовы	1998 год
Стан	дзейнічае
Сайт	prodromos.by

Гісторыя

Абшчына зарэгістравана ў 1997 годзе. У 1998 годзе была пабудавана драўляная капліца ў гонар абраза Божай Маці «Ціхвінскі».

Архітэктура

Твор архітэктуры, вырашаны ў стылізаваных формах драўлянага царкоўнага дойлідства рускай Поўначы XVI-XVII стагоддзяў. Нарастаючую да цэнтра кампазіцыю фарміруюць прамавугольныя зрубы прытвора і малітоўнай залы, гранёнай апсіды. Двухсхільны дах асноўнага зруба завершаны па цэнтры цыбулепадобным купалам на цыліндрычным барабане. Над 2-схільным дахам прытвора ўзведзена 8-гранная каркасная шатровая званіца з макаўкай. Уваход вылучаны 2-слуповым ганкам пад 2-схільным пакрыццём. Зрубленыя «ў вугал з астаткам» фасады прарэзаны прамавугольнымі аконнымі праёмамі.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4