Капітолій

Капітолій (лац.: Capitolinus) — адзін з сямі пагоркаў, на якіх паўстаў Старажытны Рым. Мае дзве вяршыні — Капітоль (вышыня 46 м) і Цытадэль (Arx; вышыня 49,2 м), паміж імі месціцца западзіна Асылум (Asylum; вышыня 36,5 м). Капітолій, найменшы з усіх пагоркаў Рыму, узвышаецца каля паўднёвага берагу Тыбра, на паўночны захад ад Палаціна, над размешчаным у доле Форумам. Палітычны і культурны цэнтр Старажытнага Рыму. На Капітоліі завяршаліся трыўмфальныя шэсці рымскага войска. У пачатку Сярэднявечча антычныя пабудовы былі разбураныя. У гонар рымскага Капітолія названы будынак Кангрэсу ЗША ў Вашынгтоне.

Капітолій
італ.: Campidoglio
Базіліка Санта-Марыя-ін-Арачэлі на вяршыні Капіталійскага ўзгорка
Найвышэйшы пункт
Абсалютная вышыня	46 м
Размяшчэнне
41°53′36″ пн. ш. 12°28′59″ у. д.
Краіна	Італія
Населены пункт	Рым
Капітолій
Медыяфайлы на Вікісховішчы

Гісторыя

Капіталійскі палац і музеі (арх. Мікеланджэла Буанароці).

Паводле падання ў час этрускаў зваўся Сатурнійскім або Тарпейскім пагоркам, стромкі схіл адной з яго вяршыняў — Тарпейскай скалы, служыў месцам пакаранняў. У рэспубліканскі час на тым месцы быў пабудаваны храм Юноны Дарадчыцы. Новую назву атрымаў ад перанесенага з Квірынала свяцілішча сабінаў, якое звалася Капітоліям, каля яго адбываліся паседжанні сената і народныя сходы. Доўгі час захоўваўся і стары Капітолій (Capitolium vetus), які знаходзіўся на Квірынале.

Гл. таксама

• Рымскія пагоркі
• Тарпейская скала
• Капіталійскі храм
• Капіталійскія музеі
• Статуя Марка Аўрэлія
• Капітолій, Вашынгтон
• Forum Holitorium

Спасылкі

• На Вікісховішчы ёсць медыяфайлы па тэме Капітолій