Карабоўскі сельсавет
Карабо́ўскі сельсавет — адміністрацыйна-тэрытарыяльная адзінка ў складзе Глыбоцкага раёна Віцебскай вобласці Беларусі. Адміністрацыйны цэнтр — аграгарадок (да 2008 года вёска) Карабы 2.
| Карабоўскі сельсавет | |
|---|---|
| Краіна |
 Беларусь |
| Уваходзіць у | Глыбоцкі раён |
| Уключае | 37 населеных пунктаў |
| Адміністрацыйны цэнтр | Карабы 2 |
| Дата ўтварэння | 12 кастрычніка 1940 |
| Насельніцтва (2019) | 2 846 |
.svg) |
|
| Часавы пояс | UTC+03:00 |
| Тэлефонны код | 2156 |
| Код аўтам. нумароў | 2 |
| Афіцыйны сайт | |
Утвораны 12 кастрычніка 1940 года як Тумашаўскі сельсавет у складзе Глыбоцкага раёна Вілейскай вобласці БССР. Цэнтр — вёска Тумашы. З 20 верасня 1944 года ў складзе Полацкай вобласці, з 8 студзеня 1954 года ў складзе Маладзечанскай вобласці. 31 сакавіка 1958 года да сельсавета далучана частка скасаванага Дзеркаўшчынскага сельсавета (16 населеных пунктаў: Альховікі, Барысаўшчына, Воўкаўшчына I, Воўкаўшчына II, Галубава, Дзеркаўшчына I, Дзеркаўшчына II, Заазер’е, Кісялі, Корзева, Наваполле, Ражкова, Сазонаўшчына, Сакавічы, Стураўшчына і Ялоўкаўшчына)[1]. З 20 студзеня 1960 года ў складзе Віцебскай вобласці. 20 мая 1960 года да сельсавета далучана частка скасаванага Струцкага сельсавета (5 населеных пунктаў: Дабрыянава, Завараты, Ласкаўшчына, Латыгаль, Праходы), таксама ў склад сельсавета з Ласіцкага сельсавета перададзены 8 населеных пунктаў (Белевічы, Гінькі, Гулідава, Гусакова, Залаўкі, Лапішкі, Падкраеўшчына і Рудакова)[2]. 19 лютага 1971 года цэнтр сельсавета перанесены ў вёску Карабы, сельсавет перайменаваны ў Карабоўскі. На 1 студзеня 1974 года ў складзе сельсавета 47 населеных пунктаў[3]. 5 сакавіка 1981 года цэнтр сельсавета перайменаваны ў Карабы 2.
Насельніцтва сельсавета паводле перапісу 2009 года — 3655 чалавек[4], з іх 94,2 % — беларусы, 3,1 % — палякі, 2,0 % — рускія[5]; паводле перапісу 2019 года — 2846 чалавек[6].
Крыніцы
правіць- ↑ Рашэнне выканкома Маладзечанскага абласнога Савета дэпутатаў працоўных ад 31 сакавіка 1958 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1958, № 3.
- ↑ Рашэнне выканаўчага камітэта Віцебскага абласнога Савета дэпутатаў працоўных ад 20 мая 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 16.
- ↑ Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 44. — 248 с. — 10 000 экз.
- ↑ Колькасць насельніцтва населеных пунктаў Віцебскай вобласці Беларусі паводле перапісу 2009 года
- ↑ Этнічны склад насельніцтва сельсаветаў Беларусі паводле перапісу 2009 года
- ↑ Насельніцтва населеных пунктаў Віцебскай вобласці Беларусі паводле перапісу 2019 года
Літаратура
правіць- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.