Каралін Вазняцкі
Каралін Вазняцкі (дацк. Caroline Wozniacki, польск. Karolina Woźniacka - Караліна Вазняцкі; нарадзілася 11 ліпеня 1990 г. горад Одэнсе, Данія) — дацкая тэнісістка польскага паходжання, былая першая ракетка свету ў адзіночным разрадзе.
- Першая ракетка свету па выніках 2010 і 2011 гадоў.
- Пераможца 1 турніру Вялікага шлема ў адзіночным разрадзе.
- Пераможца 30 турніраў WTA ў адзіночным разрадзе і 2 у пары.
- Пераможца 1 юніёрскага турніру Вялікага шлема ў адзіночным разрадзе.
- Былая першая ракетка свету сярод юніёраў.
 Каралін Вазняцкі | |
|---|---|
_08.jpg) | |
| Нарадзілася |
11 ліпеня 1990 (33 гады) Одэнсэ, Данія |
| Грамадзянства | Данія |
| Рэзідэнцыя | |
| Рост | 177 см |
| Вага | 60 кг[1] |
| Прафесійная кар’ера | 2005–... |
| Вядучая рука | правая |
| Удар злева | двухручны |
| Трэнер(ы) |
Пётр Вазняцкі (бацька) Рыкарда Санчэс |
| Прызавыя грошы | 35 233 415 $[1] |
| Адзіночны разрад | |
| Вынікі (в/п) | 633–263[1] |
| Тытулы | 30 WTA, 4 ITF |
| Найвышэйшы рэйтынг | 1 (11 кастрычніка 2010) |
| Турніры серыі Вялікага шлема | |
| Аўстралія | перамога (2018) |
| Францыя | чвэрцьфінал (2010) |
| Уімблдан | 1/8 фіналу (2009, 2010, 2011, 2014, 2015) |
| ЗША | фінал (2009, 2014) |
| Іншыя турніры | |
| Фінал WTA | фінал (2010) |
| Алімпійскія гульні | чвэрцьфінал (2012) |
| Парны разрад | |
| Вынікі (в/п) | 39–56[1] |
| Тытулы | 2 WTA |
| Найвышэйшы рэйтынг | 52 (14 верасня 2009) |
| Цяперашні рэйтынг | — |
| Турніры серыі Вялікага шлема | |
| Аўстралія | 1/16 фіналу (2008) |
| Францыя | 1/16 фіналу (2010) |
| Уімблдан | 1/16 фіналу (2009, 2010) |
| ЗША | 1/8 фіналу (2009) |
| carolinewozniacki.com | |
 Медыяфайлы на Вікісховішчы | |
| Апошняе абнаўленне: 20 верасня 2023 | |
Каралін Вазняцкі абвясціла пра завяршэнне кар’еры 20 студзеня 2020 года пасля паражэння ў трэцім раўндзе Адкрытага чэмпіянату Аўстраліі. Напрыканцы чэрвеня 2023 года яна абвясціла пра аднаўленне спартыўнай кар’еры пасля таго, як нарадзіла двух дзяцей. Першым турнірам, дзе выступіла датчанка ў 2023 годзе, стаў адкрыты чэмпіянат Манрэаля[2].
2019—2020. Завяршэнне кар’еры Правіць
На Адкрытым чэмпіянаце Аўстраліі 2019 года Вазняцкі не змагла абараніць свой мінулагодні тытул, прайграўшы ў трэцім раўндзе Марыі Шарапавай. У красавіку яна змагла выйсці ў фінал грунтовага прэм’ер-турніру ў Чарлстане, у якім саступіла Мэдысан Кіз з лікам 6-7(5), 3-6. У чэрвені 2019 года Вазняцкі ўдзельнічала ў Адкрытым чэмпіянаце Францыі, дзе нечакана прайграла ў першым жа раўндзе расіянцы Вераніцы Кудзярметавай.
На Уімблдане 2019 года Вазняцкі дайграла да трэцяга раўнда. На Адкрытым чэмпіянаце ЗША яна выступіла таксама, прайграўшы ў трэцім раўндзе будучай пераможцы, канадцы Б’янцы Андрэеску, у двух сэтах. У кастрычніку на прэм’ер-турніры вышэйшай катэгорыі ў Пекіне Вазняцкі дайшла да паўфіналу, дзе прайграла Наомі Осацы ў двух сэтах. Па выніках сезона 2019 года Каралін Вазняцкі згодна з рэйтынгам WTA апусцілася на 38 месца.
Напрыканцы 2019 года Вазняцкі анансавала, што завершыць кар’еру ў студзені 2020 года і апошнім турнірам стане Адкрыты чэмпіянат Аўстраліі[3].
Развітальныя выступленні ў туры ў студзені 2020 года Вазняцкі пачала з турніру ў Оклендзе, дзе ў адзіночным разрадзе дайшла да паўфіналу, прайграўшы Джэсіцы Пегуле з лікам 6-3, 4-6, 0-6. У парным разрадзе яна выступіла ўпершыню з 2016 года і згуляла ў дуэце са знакамітай амерыканкай Серэнай Уільямс. Іх пара змагла дайсці да фіналу, у якім яны прайгралі прадстаўніцам ЗША — Эйжы Мухамад і Тэйлар Таўнсенд з лікам 4-6, 4-6.
На Адкрытым чэмпіянаце Аўстраліі Караліна Вазняцкі завяршыла кар’еру. Апошнім выступам стаў матч у трэцім раўндзе, у якім яна прайграла Унс Джабір (5-7, 6-3, 5-7). Многія тэнісісты выказалі словы падтрымкі і падзякі Караліне за праведзеныя гады ў тэнісе і яе дасягненні. Вазняцкі завяршыла кар’еру ў 29 гадоў, выйграўшы турнір Вялікага шлема — Адкрыты чэмпіянат Аўстраліі ў адзіночным разрадзе і 33 тытулы WTA.
«Хачу выказаць падзяку заўзятарам, якія мяне ўвесь гэты час падтрымлівалі. Дзякуй маёй сям’і і асабліва бацьку, які быў маім трэнерам доўгія гады. Як правіла, я не плачу, але гэта асаблівы момант, які назаўсёды застанецца ў маёй памяці. Гэта была неймаверная прыгода. Цяпер я гатовая да новай главы»[4].
2023: вяртанне Правіць
Вярнулася ў тур летам 2023 года пасля нараджэння двух дзяцей. 8 жніўня на турніры ў Манрэалі правяла першы матч і выйграла яго ў Кімберлі Бірэл, у наступным коле прайграла Маркеце Вандроўшавай. Атрымала ўайлд-кард на Адкрыты чэмпіянат ЗША. У першым раўндзе лёгка перайграла пераможцу кваліфікацыі Таццяну Празораву, далей абыйграла Петру Квітаву і Джэніфер Брэдзі, і толькі ў чацвёртым раўндзе саступіла будучай чэмпіёнцы Коры Гаўф са ЗША.
Выніковае месца ў рэйтынгу WTA паводле гадоў Правіць
| Год | Адзіночны рэйтынг |
Парны рэйтынг |
|---|---|---|
| 2019 | 38 | |
| 2018 | 3 | |
| 2017 | 3 | |
| 2016 | 19 | |
| 2015 | 17 | |
| 2014 | 8 | |
| 2013 | 10 | |
| 2012 | 10 | |
| 2011 | 1 | 556 |
| 2010 | 1 | 113 |
| 2009 | 4 | 70 |
| 2008 | 12 | 79 |
| 2007 | 64 | 150 |
| 2006 | 237 | 238 |
Зноскі
- ↑ а б в г WTA website
- ↑ Горшкова, Ана. Завершившая карьеру в 2020 году Возняцки объявила о возвращении в тур. Спорт-Экспресс. Архівавана з першакрыніцы 30 чэрвеня 2023. Праверана 29 чэрвеня 2023.
- ↑ Каролин Возняцки завершит карьеру после Australian Open-2020. Архівавана з першакрыніцы 15 мая 2022. Праверана 16 мая 2020.
- ↑ Каролин Возняцки: Обычно я не плачу, но сейчас особый момент
Спасылкі Правіць
|
Каралін Вазняцкі ў Вікіцытатніку |
|---|---|
|
Каралін Вазняцкі на Вікісховішчы |
- Афіцыйны сайт спартсменкі Архівавана 15 ліпеня 2006. (англ.)
- Профіль на сайце WTA Архівавана 23 ліпеня 2017. (англ.)
- Профіль на сайце ITF Архівавана 28 ліпеня 2013. (англ.)
- Профіль на сайце Fed Cup Архівавана 4 лютага 2012. (англ.)