Кастусь Александровіч

Кастусь Александровіч (1890, Дзвінск — 1939) — беларускі грамадскі дзеяч, настаўнік, тэатральны рэжысёр і акцёр.

Кастусь Александровіч
Дата нараджэння	1890
Месца нараджэння	Дынабург, Дзвінскі павет, Віцебская губерня, Расійская імперыя
Дата смерці	1939
Месца смерці	Даўгаўпілс, Латвія
Месца пахавання	Каталіцкія могілкі ў Даўгаўпілсе[d]
Прафесія	настаўнік, грамадскі дзеяч, тэатральны акцёр, тэатральны рэжысёр
Член у	Таварыства беларускіх вучыцялёў[d]
Узнагароды
Медыяфайлы на Вікісховішчы

Біяграфія

Дзвінская ініцыятыўная група па падрыхтоўцы Беларускіх вечароў у 1922. Злева направа: Пётра Мірановіч, Кастусь Александровіч, Язэп Камаржынскі, Алесь Махноўскі

Удзельнічаў у Першай сусветнай вайне з самага яе пачатку, быў сувязістам. Ваяваў на Дунаі, быў паранены. Узнагароджаны за актыўны ўдзел у баявых дзеяннях, у тым ліку Георгіеўскім крыжам IV ступені. Яго брат Ясь быў летчыкам у час вайны. Пасля вяртання з фронту, ва ўзросце 32 гадоў паступіў на Беларускія настаўніцкія курсы ў родным Дзвінску. На курсах Кастусь пазнаёміўся з Луцыяй Габране, якая стала потым яго жонкай. Усё жыццё яны разам працавалі ў беларускіх школах. На курсах быў арганізованы тэатральны гурток, таму Кастусь захапіўся тэатрам. Працаваў дырэктарам пачатковай беларускай школы на вуліцы Стараверскай ў Дзвінску, быў рэжысёрам беларускага тэатра. Потым працаваў у школе па адрасу вул. Каўнас, 98. Быў членам гістарычнага таварыства, Саюза беларускіх вучыцялёў Латвіі.

:Вяселле Л. Габране і К. Александровіча. 1928

Тыпы п’есы «Конскі партрэт». К. Александровіч злева, у цэнтры Л. Габран

Памёр у 1939 годзе ва ўзросце 49 гадоў. Пахаваны на каталіцкіх могілках ў Даўгаўпілсе. Засталася ўдава з трыма дзяцьмі.

Спасылкі

• На Вікісховішчы ёсць медыяфайлы па тэме Кастусь Александровіч
• Вадзім Сінякоў. «Кастусь Александровіч — настаўнік і тэатральны дзеяч»(недаступная спасылка). Даўгаўпілс, культурна-асветніцкае таварыства «Уздым»