Касцёл Святога Казіміра (Лагойск)

Касцёл Святога Казіміра — рымска-каталіцкі храм у Лагойску. Знаходзіцца ў цэнтры горада, на левым беразе ракі Гайна, каля падмуркаў знішчанага бальшавікамі Касцёла Нараджэння Найсвяцейшай Дзевы Марыі і Святога Казіміра.

Каталіцкі храм
Касцёл Святога Казіміра
Касцёл Святога Казіміра ў Лагойску
54°12′12″ пн. ш. 27°51′10″ у. д.
Краіна	Беларусь
Горад	Лагойск
Канфесія	Каталіцызм
Епархія	Мінска-Магілёўская архідыяцэзія
Дэканат	Вілейскі
Будаўніцтва	1999
Стан	дзейнічае
Медыяфайлы на Вікісховішчы

Гісторыя

Лагойская рымска-каталіцкая парафія існуе з 1609 года. У часы савецкага панавання мураваны касцёл (1793) закрылі і зруйнавалі.

Адраджэнне парафіі адбылося ў 1991 годзе. Паводле праекта мінскага архітэктара М. Калечыца пачалося будаўніцтва новага касцёла, якое завяршылася ў 1999 годзе.

Архітэктура

Касцёл у 2022 г.

Архітэктурная стылістыка храма — сучасная перапрацоўка сярэднявечнай готыкі. Накрыты стромкім 2-схільным дахам прамавугольны ў плане будынак фланкіруюць крылы трансепта. Да фасада асіметрычна далучаецца 4-гранная вежа-званіца. Плоскасныя фасады падзяляюцца ў 2 ярусы аркавымі 2-граннымі і прамавугольнымі аконнымі праёмамі і лапаткамі ў прасценках. Над прамавугольным уваходным парталам і алтарнай сцяной крыжовыя аконныя праёмы. Залю перакрывае корабавае скляпенне.

Літаратура

• Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с. — ISBN 978-985-11-0395-5.

Спасылкі

• Лагойск — парафія Св. Казіміра (нявызн.). Catholic.by (1 студзеня 2011).