Касцёл Святога Міхаіла Арханёла (Багданава)
Касцёл Святога Міхаіла Арханёла — мураваны каталіцкі храм у вёсцы Багданава Валожынскага раёна Мінскай вобласці.
| Каталіцкі храм | |
| Касцёл Святога Міхаіла Арханёла | |
|---|---|
 | |
| 54°10′37″ пн. ш. 26°06′30″ у. д.HGЯO | |
| Краіна |
 Беларусь |
| Месцазнаходжанне | |
| Канфесія | Рымска-каталіцкая царква |
| Епархія | Мінска-Магілёўская архідыяцэзія |
| Дата пабудовы | 1996 год |
| Стан | дзейнічае |
 |
|
 Медыяфайлы на Вікісховішчы | |
Гісторыя
правіць
Парафія згадваецца з 1550 года. Цяперашні будынак быў узведзены з белай сілікатнай цэглы ў 1996 годзе[1]. 29 верасня 1999 года ва ўрачыстай абстаноўцы новы храм быў асвечаны біскупам Гродзенскай дыяцэзіі Аляксандрам Кашкевічам, якому дапамагалі ксёндз з Ліды Вінцэнт Лісоўскі і айцец-францішканец з Гальшан Станіслаў Садоўскі[2].
Архітэктура
правіць
Храм мае Т-падобны ў плане аб’ём, фасады якога вырашаны ў адкрытай муроўцы сілікатнай цэглай. Плоскасны фасад завершаны трохвугольным франтонам, вылучаны драўляным прытворам пад двухсхільным пакрыццём і рамбічнай люкарнай над ім. Бакавыя фасады расчлянёны высока ўзнятымі прамавугольнымі аконнымі праёмамі і лапаткамі ў прасценках. Бакавыя двухпавярховыя прыдзелы прызначаны для пакояў настаяцеля. У малітоўную ашаляваную залу выступае антрэсоль хораў з драўлянай балюстрадай.
Перад касцёлам пастаўлена драўляная чатырохгранная двух’ярусная шатровая брама-званіца[3].
Зноскі
- ↑ https://kraj.by/belarus/news/sobitiya/-restauratsiya-kastsyola-svyatoga-arhanyola-mihaila-pachalasya-u-vyostsi-bagdanava-valoginskaga-rayona-fota-2016-06-03
- ↑ https://rh.by/ru/2010/01/28/gistoryya-kastsyola-u-bagdanave/ Архівавана 26 верасня 2019.
- ↑ Архіўная копія(недаступная спасылка). Архівавана з першакрыніцы 26 верасня 2019. Праверана 26 верасня 2019.