Касцёл Святога Юзафа (Казімірова)
Касцёл Святога Юзафа — драўляны каталіцкі храм у вёсцы Казімірова Асіповіцкага раёна Магілёўскай вобласці.
Каталіцкі храм | |
Касцёл Святога Юзафа | |
---|---|
53°30′54″ пн. ш. 28°47′33″ у. д.HGЯO | |
Краіна | Беларусь |
Месцазнаходжанне | |
Канфесія | Каталіцтва |
Епархія | Мінска-Магілёўская архідыяцэзія |
Дэканат | Бабруйскі |
Архітэктурны стыль | народнае дойлідства |
Будаўніцтва | 1905—1906 гады |
Стан | дзейнічае |
Медыяфайлы на Вікісховішчы |
Гісторыя правіць
Яшчэ ў канцы 1862 г. уладальнік фальварка Казімірова Іван (Ян) Аляхновіч прасіў дазвалення на пабудову каталіцкай капліцы на казіміроўскіх могілках, дзе б 4 разы на год адпраўляліся службы за супакой памерлых родзічаў. Аднак яму было адмоўлена па некалькіх прычынах. Па-першае, непадалёк знаходзіліся праваслаўныя цэрквы, а колькасць каталікоў на гэтай тэрыторыі была невялікая. Па-другое, каталіцкі храм таксама месціўся адносна блізка. Па-трэцяе, Аляхновіч на той час быў здаровым чалавекам і таму яму не складала ніякіх цяжкасцяў наведваць каталіцкі касцёл у іншым месцы.
Парафія існуе з 1900 года. Драўляны касцёл пабудаваны ў 1905—1906 гадах. Пра год пабудовы кажа выбіты надпіс на фундаменце ("1906 R.")
Старажылы расказваюць, што храм ніколі не закрываўся. Праўда, некаторы час у ім захоўвалі калгаснае зерне, але потым людзі зноў пачалі хадзіць сюды на службы — прыходзілі нават цэлыя працэсіі з абразамі і харугвамі. Згадваюць, што яшчэ ў савецкі час у касцёле стаяў арган.
На сённяшні час касцёлам апякуецца манах-францішканец з польскага горада Катавіцы Натанаіл, які прыязджае сюды на вялікія касцельныя святы.
Архітэктура правіць
Твор народнага дойлідства. Вырашаны прамавугольным у плане зрубам з трохграннай апсідай, над якой двухсхільны дах пераходзіць у вальмавы. Над трохвугольным франтонам фасада ўзведзена двух’ярусная чатырохгранная шатровая сігнатурка. Вертыкальна ашаляваныя бакавыя фасады расчлянёны дзвюма парамі прамавугольных аконных праёмаў[1].
Зноскі
Літаратура правіць
- Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с. — ISBN 978-985-11-0395-5. — С. 167
Спасылкі правіць
- На Вікісховішчы ёсць медыяфайлы па тэме Касцёл Святога Юзафа (Казімірова)
- Касцёл Святога Юзафа (Казімірова) на сайце Catholic.by (бел.)
- Касцёл Святога Юзафа (Казімірова) на сайце Radzima.org
- Касцёл Святога Юзафа (Казімірова) на сайце Глобус Беларусі (руск.)