Касцёл Святога Юрыя (Невель)

Касцёл Святога Юрыя — колішні касцёл у горадзе Невелі Пскоўскай вобласці Расіі.

Каталіцкі храм
Касцёл Святога Юрыя
Краіна	Расія
Горад	Невель
Канфесія	каталіцтва
Архітэктурны стыль	барока
Першае згадванне	1625
Дата пабудовы	1745 год
Стан	знішчаны

Гісторыя

Першы прыхадскі касцёл разам з зямлёй для яго і плябаніяй быў фундаваны каралём Жыгімонтам III 20 сакавіка 1625 года, але ў выніку наступных войн ён ужо не існаваў.

Метрычныя кнігі зноўку былі заведзены пасля 1685 года. Згодна са звесткамі, апублікаванымі Станіславам Казловым-Струцінскім, Януш Радзівіл будуе бажніцу і драўляную капліцу на могілках. Пазней гэты першы гістарычна падцверджаны храм быў аддадзены грэка-каталікам (уніятам) і пабудаваны новы, ужо мураваны. Візітацыя за 1818 года пазначае дату пачатку будаўніцтва — 12 красавіка 1745 года.

У 1930-я гады касцёл быў закрыты. Пасля Другой сусветнай вайны храм уцалеў з нязначнымі пашкоджаннямі, але ў 1956 годзе касцёл быў зруйнаваны.

Архітэктура

У візітацыях 1830—1850 гадоў захавалася апісанне бажніцы «…касцёл 1785 ксяндзом Прэлатам і пробашчам Невельскім Сутоцкім [пабудаваны], шырыні 36 аршынаў, даўжыні-42, вышыні-22, з дзвюма вежамі — 31,5 аршынаў; алтароў тры, вокнаў 9. Дзверы адны і таксама ўваход праз закрыстыю пробашча, хор, чатыры спавядальні, арган, тры званы, у левай вежы — ўсялякае начыньне касцёльнае… часціца Дрэва св. Крыжа…».

• 
• 
• 
• 
• 

Спасылкі

• Касцёл Св. Юрыя (Георгія) Архівавана 20 ліпеня 2021.