Касцёл Спаслання Святога Духа (Фашчаўка)

Касцёл Спаслання Святога Духа — колішні рымска-каталіцкі сакральны комплекс у аграгарадку Фашчаўцы Шклоўскага раёна Магілёўскай вобласці.

Славутасць
Касцёл Спаслання Святога Духа
54°08′50″ пн. ш. 30°29′53″ у. д.
Краіна	Беларусь
Месцазнаходжанне	Фашчаўка
Канфесія	каталіцтва
Епархія	Мінска-Магілёўская архідыяцэзія
Архітэктурны стыль	архітэктура барока[d]
Будаўніцтва	1738—1754 гады
Дата скасавання	24 снежня 1967

Гісторыя

Каталіцкая супольнасць з’явілася ў Фашчаўцы не пазней за сярэдзіну XVII стагоддзе. У 1738 годзе было распачата будаўніцтва новага мураванага касцёла. У 1754 годзе новапабудаваная святыня была асвячана ў гонар Унебаўзяцця Найсвяцейшай Дзевы Марыі.

Пасля Кастрычніцкага перавароту распачаліся гады ваяўнічага атэізму і пераследу веры. 13 чэрвеня 1937 года, калі большасць мясцовых вернікаў скіраваліся на адпуст св. Антонія ў Магілёў, невядомыя разбілі і абрабавалі абраз Маці Божай з касцёльнага алтара.

Пазней былі арыштаваныя ксёндз Пётр Януковіч, арганіст Марцін Секацкі, старшыня касцёльнага камітэта Ігнат Давідовіч, бацька і сын Крупенькі і яшчэ некалькі парафіянаў. Пасля суда, яны былі расстраляныя на працягу тыдня.

Пасля вайны ўлады спрабавалі зрабіць у касцёле клуб, аднак з-за агульнага супраціву жыхароў вымушаны былі адмовіцца ад гэтай ідэі. Тады касцёл вырашылі проста знішчыць. 24 снежня 1967 года будынак быў узарваны.

Архітэктура

У касцёле было адзінаццаць алтароў. У галоўным алтары змяшчаўся абраз Маці Божай Фашчаўскай (Хвашчоўскай), які лічыўся цудатворным.

• 
• 
• 
• 
• 
• 

Спасылкі

• Касцёл на Беларусі ўчора і сёння: адпуст у Фашчаўцы як рэха слаўнага мінулага
• Касцёл Спаслання Святога Духа (Фашчаўка) на сайце Radzima.org
• Касцёл Спаслання Святога Духа (Фашчаўка) на сайце Глобус Беларусі (руск.)