Кася Іофе, раней Кацярына Глухоўская (нар. 2 чэрвеня 1995, Мінск) — беларуская паэтка, празаік, псіхатэрапеўтка, перакладчыца, даследчыца беларускай літаратуры і літаратурны крытык. Сябра беларускага ПЭН-цэнтра (з 2021)[1]. Заснавальніца фэсту «Культура на выгнанні» («Культура ў эміграцыі»). Адна з галоўных арганізатарак фэсту Letucień. Ад 2023 года заснавальніца і старшыня Беларускага таварыства «Крок».

Кася Іофе
Асабістыя звесткі
Дата нараджэння 2 чэрвеня 1995(1995-06-02) (29 гадоў)
Месца нараджэння
Грамадзянства
Альма-матар
Прафесійная дзейнасць
Род дзейнасці празаік, псіхолаг, літаратурны крытык, паэт, перакладчык, літаратуразнавец
Мова твораў беларуская
Грамадская дзейнасць
Член у
Прэміі

Біяграфія

правіць

Вучылася ў філалагічным класе Ліцэя Беларускага дзяржаўнага ўніверсітэта. Скончыла Беларускі дзяржаўны ўніверсітэт, бакалаўр медыцынскай псіхалогіі (вывучала медыцынскую псіхалогію на факультэце філасофіі і сацыяльных навук)[2][3].

Атрымала спецыялізацыі па тэрапіі мастацтвам і творчасцю (арт-тэрапіі) ў Балгарыі і Украіне ад EEATA (East-European Art-Therapy Association; EEATA), у Амерыцы (Універсітэт Каліфорніі) ды Індыі (курс па рэабілітацыйнай і рэкрэацыйнай ёзе і тэхніках Artistic Yoga у працы з пацыентамі шпіталяў, ашрам у Дэвалапуру, пад Місорам).

Працавала ў Рэспубліканскай дзіцячай бальніцы медыцынскай рэабілітацыі, псіхолагам, рэдактарам інфармацыйных парталаў мінскага клубнага дома «Open Soul» па рэабілітацыі людзей з псіхіятрычнымі дыягназамі.

Жыве ў Кракаве (Польшча). Вучылася ў Кракаве ў Ягелонскім універсітэце на магістратурах па ахове грамадскага здароўя[2], літаратурнай крытыцы і юдаістыцы[1].

З’яўляецца актывісткай таварыства «Беларусы ў Кракаве», арганізатаркай культурных мерапрыемстваў і паэтычных спатканняў ад European Solidarity Corps i навуковай фундацыі Nausika. Вяла заняткі з арт-тэрапіі ў псіхіятрычным шпіталі імя доктара Ёзафа Бабіньскага (Szpital Kliniczny im. dr. Józefa Babińskiego w Krakowie). На валанцёрскіх асновах праводзіла анлайн-кансультацыі для ахвяр гвалту ў Беларусі ў 2020—2022 гадах сябра Шматкультурнага цэнтру Кракава па дапамозе бежанцам і мігрантам, Квіровага цэнтру Культуры ў Кракаве, Кракаўскай школы паэзіі імя Аляксандра Фрэдры, мінскіх ініцыятыў «Ідэнтычнасць і Права», «ИМЕНА», «Human Constanta», мінскага КД Open Soul па дапамозе людзям з цяжкімі хранічнымі псіхічнымі разладамі[1].

З 2022 года заснавальніца і арганізатарка «Фестывалю культуры ў эміграцыі», які праходзіць раз на год у Кракаве[4].

У 2023 годзе заснавала Беларускае таварыства «Крок». Адна з галоўных арганізатарак фэсту Letucień.

Творчасць

правіць

Першы верш напісала ў 12 гадоў[5]. Друкуецца з 2009 года. Яе вершы перакладзеныя на іншыя мовы, апублікаваныя ў літаратурных часопісах «Мишпоха», «Дзеяслоў»[6], «Верасень», «Маладосць» і інш.. Песні на яе вершы выконваюць музычныя гурты «S°unduk», «Адарвірог», «Апоўначы», «Isna Trio», «Агатка»[1]. Інстытут літаратуразнаўства імя Янкі Купалы Нацыянальнай акадэміі навук Беларусі плануе ўключыць яе вершы ў выданне анталогіі сучаснай беларускай паэзіі.

У чэрвені 2022 года выступала як вядоўца на творчай імпрэзе «Мультыкультурная ноч паэзіі» (Кракаў, Польшча) — вечар чытання паэзіі польскай, украінскай і беларускай, у рамках фестывалю «Культура ў выгнанні. Дні салідарнасці на Віле Дэцыюса»[7].

Аўтар кнігі «Калі дрэва растуць з галавы» (выдавецтва «Галіяф») і самвыдатаўскай кнігі «Белы леў» (прэмія I ст. конкурсу маладых літаратараў у намінацыі «Духоўная спадчына Беларусі»).

Перакладае з польскай, рускай, беларускай моў, а таксама з нямецкай і ідыш. Удзельніца міжнароднай перакладчыцкай творчай праграмы Rozstaje.art.

Узнагароды

правіць

З’яўляецца фіналісткай паэтычных конкурсаў імя Ларысы Геніюш (2009), імя Чэслава Мілаша (2011), «Брамамар» (2014)[1].

  • 2020 год — творчасць адзначаная ўзнагародай «Залаты апостраф» часопіса «Дзеяслоў».
  • 2021 год — пераможца Міжнароднага паэтычнага фестывалю імя Міхася Стральцова ў намінацыі «Дэбют»[8]

Заўвагі

правіць
  1. а б в г д Новыя сябры Беларускага ПЭН-цэнтра(недаступная спасылка). Беларускі ПЭН-цэнтр. Архівавана з першакрыніцы 24 жніўня 2021. Праверана 7 жніўня 2021.
  2. а б Мікуліч М. Крытэрый — талент. Анталогія сучаснай беларускай паэзіі // Літаратура і мастацтва  : газета. — Мн.: РВУ «Звязда», 19 сакавіка 2021. — В. 5116. — № 11. — С. 4.
  3. Кася Иоффе (руск.). Полутона. Праверана 24 жніўня 2021.
  4. Прадстаўніца беларускай дыяспары Кася Іоффе арганізуе Фестываль Культуры ў Эміграцыі. Беларускае Радыё Рацыя (29 мая 2023). Архівавана з першакрыніцы 29 мая 2023. Праверана 29 мая 2023.
  5. Olga Wójcik. Bialoruska literatura dla dzieci (польск.)(недаступная спасылка). Radio z QLTURĄ (23 жніўня 2021). Архівавана з першакрыніцы 24 жніўня 2021. Праверана 7 жніўня 2021.
  6. Кася Іофе (№109). Дзеяслоў. Праверана чэрвень 2020.
  7. Wielokulturowa Noc Poezji. Insrytut Kultury Willa Decjusza (12 чэрвеня 2022). Праверана 19 красавіка 2022.
  8. Віртуальны фестываль, дзень першы: у Мінску адкрыліся юбілейныя "Вершы на асфальце"(недаступная спасылка). СПБ (21 лютага 2021). Архівавана з першакрыніцы 24 жніўня 2021. Праверана 24 жніўня 2021.

Літаратура

правіць

Спасылкі

правіць