Катажына Апалінская
Катажы́на Апалі́нская (польск.: Katarzyna Opalińska; 13 кастрычніка 1680, Познань, Каралеўства Польскае — 19 сакавіка 1747, Люневіль, Францыя) — жонка Станіслава Ляшчынскага, каралева польская і вялікая княгіня літоўская, княгіня Латарынгіі і Бара.
| Катажына Апалінская | |||||||
|---|---|---|---|---|---|---|---|
| Katarzyna Opalińska | |||||||
 | |||||||
 | |||||||
|
|||||||
|
|||||||
| Папярэднік | Крысціяна Эбергардзіна Брандэнбург-Байройцкая[d] | ||||||
| Пераемнік | Крысціяна Эбергардзіна Брандэнбург-Байройцкая[d] | ||||||
|
|||||||
| Папярэднік | Крысціяна Эбергардзіна Брандэнбург-Байройцкая[d] | ||||||
| Пераемнік | Марыя Юзэфа фон Габсбург | ||||||
| Нараджэнне |
13 кастрычніка 1680[1] |
||||||
| Смерць |
19 сакавіка 1747[1] (66 гадоў) |
||||||
| Месца пахавання | |||||||
| Род | Апалінскія | ||||||
| Бацька | Ян Караль Апалінскі | ||||||
| Маці | Сафія Чарнкоўская | ||||||
| Муж | Станіслаў Ляшчынскі | ||||||
| Дзеці | Ганна Ляшчынская, Марыя Ляшчынская | ||||||
| Веравызнанне | каталіцтва | ||||||
| Дзейнасць | валадарная каралева | ||||||
 Медыяфайлы на Вікісховішчы | |||||||
Біяграфія правіць
Паходзіла са шляхецкага роду Апалінскіх герба «Ладдзя». Была дачкой кашталяна пазнаньскага Яна Караля Апалінскага і мендзыжэцкай старасцянкі Зоф’і Чарнкоўскай. У 1698 годзе ў Кракаве выйшла замуж за адалянаўскага старосту Станіслава Ляшчынскага. У 1699 годзе ў іх нарадзілася дачка Ганна, а ў 1703 — Марыя.
4 кастрычніка 1705 года падчас Паўночнай вайны Варшаўскай канфедэрацыяй каранаваная ў Варшаве разам з мужам на кіраўнікоў Рэчы Паспалітай замест Аўгуста II Моцнага. У 1708 годзе мусіла з дзецьмі пакінуць краіну, жыла ў Швецыі (у 1708—1711 у Шчэціне, у 1711—1714 у Крысціянстадзе). У 1714 выехала з мужам у нададзенае таму княства Цвайбрукен.
У 1719 годзе пасяліліся ў горадзе Вісамбур (Францыя). У 1725 іхная дачка Марыя выйшла замуж за французскага караля Людовіка XV. Ляшчынскія жылі ў Шамборы. У 1733 Станіслаў выехаў на радзіму, дзе зноў стаў каралём, Катажына ж засталася ў Францыі. Па вяртанні Станіслава Ляшчынскія атрымалі ад французскага караля тытул князёў Латарынгіі і Бара, жылі ў Люневілі. Катажына памерла 19 сакавіка 1747, пахаваная ў Касцёле Нотр-Дам дэ Бом Секюр у Нансі.
Дзеці правіць
- Ганна Ляшчынская (1699—1717);
- Марыя Ляшчынская (1703—1768), жонка Людовіка XV, каралева Францыі.
Зноскі
Спасылкі правіць
На Вікісховішчы ёсць медыяфайлы па тэме Катажына Апалінская
