Адкрыць галоўнае меню

Квенцін Джэром Таранціна (англ.: Quentin Jerome Tarantino, нарадзіўся 27 сакавіка 1963, Ноксвіл, штат Тэнесі, ЗША) — амерыканскі кінарэжысёр, сцэнарыст, акцёр, кінапрадзюсар і кінааператар. Сусветную вядомасць набыў пасля карціны «Крымінальнае чытво» (1994), якая прынесла яму «Залатую пальмавую галіну» Канскага кінафестывалю, а таксама прэміі «Оскар» і «Залаты глобус» за найлепшы сцэнарый.

Квенцін Таранціна
Quentin Tarantino
Tarantino, Quentin (Scream1).jpg
Імя пры нараджэнні: Квенцін Джэром Таранціна
Дата нараджэння: 27 сакавіка 1963(1963-03-27)[1][2][…] (56 гадоў)
Месца нараджэння:
Грамадзянства: Сцяг ЗША ЗША
Бацька: Tony Tarantino[d]
Жонка: Daniella Pick[d]
Прафесія: акцёр, сцэнарыст, кінарэжысёр, кінапрадзюсар, кінаакцёр, пісьменнік, мантажор, тэлеакцёр
Кар'ера: з 1988 года
Кірунак: Незалежнае амерыканскае кіно
Узнагароды:
IMDb: ID 0000233
Commons-logo.svg Квенцін Таранціна на ВікіСховішчы

БіяграфіяПравіць

Нарадзіўся 27 сакавіка 1963 у Ноксвіле, штат Тэнесі. Пры нараджэнні атрымаў ад маці імя Квінт у гонар каўбоя з папулярнага тады серыяла з Клінтам Іствудам, але пазней памяняў імя на Квенцін, бо верагодна не пераняў ад маці любові да гэтага фільма. Выхадзец са звычайнай беднай сям’і амерыканскага Поўдня, Квенцін Таранціна не меў ніякіх прэтэнзій на акцёрскую прафесію, аднак моцна любіў кіно.

Пасля сканчэння школы, Квенцін Таранціна працаваў у пункце відэапракату, які і паслужыў яму школай для вывучэння кіно. У адрозненне ад «архіўных пацукоў» папярэдняга пакалення, якія вывучалі кіно ў фільматэках, з кіно Таранціна знаёміўся з тэлевізійнага экрана. Гэта і вызначыла яго пераважную цікавасць да сюжэту і падзейных элементаў жанра, у той час як эстэты вялікага экрана былі зачараваныя перадусім мантажом, атмасферай кадра і дэталямі.

Таранціна пачаў з напісання сцэнарыяў, затым у 1992 годзе зняў уласны фільм, «Шалёныя псы». Фільм, які па-новаму падыходзіў да суадносінаў дыялогу і дзеяння, прыцягнуў да рэжысёра-пачаткоўца ўсеагульную ўвагу. Пасля гэтага спачатку ў ход пайшлі Таранйінавы сцэнарыі, а потым яго самога пачалі запрашаць здымацца ў эпізадычных ролях. Гэты зласлівага выгляду малады чалавек з качыным носам, глыбока пасаджанымі вачыма і крыху высунутым падбародкам, натуральна, не выклікае ў гледача тых жа пачуццяў, што акцёры накшталт Тома Круза. Асоба яго не багатая на эмоцыі. Квенцін Таранціна ва ўласных фільмах і ў фільмах сваіх сяброў зазвычай грае непрыемных персанажаў, псіхапатаў і раздражнёных неўрастэнікаў накшталт малодшага з братоў Гэка ў фантасмагарычным фільме жахаў Роберта Радрыгеза «Ад захаду да золку». Тым не менш, на экране Квенцін Таранціна выглядае досыць натуральна, хоць, зразумела, фільмы з яго ўдзелам — гэта перадусім практыкаванні ў жанравым кіно.

БібліяграфіяПравіць

  • Greene, Richard and K. Silem Mohammad, editors. Quentin Tarantino and Philosophy. Chicago: Open Court Books, 2007. ISBN 0-8126-9634-4
  • Jeff Dawson. Quentin Tarantino: The Cinema of Cool. November 1995, Applause Theatre Book Pub, ISBN 1-55783-227-7
  • Wensley Clarkson. Quentin Tarantino: Shooting From the Hip. 1996.
  • Jerome Charyn. Raised by Wolves: The Turbulent Art and Times of Quentin Tarantino. New York: Thunder’s Mouth Press, 2006. ISBN 1-56025-858-6
  • Jim Smith. Tarantino. London: Virgin Books Ltd, 2005. ISBN 0-7535-1071-5
  • Wensley Clarkson. Quentin Tarantino: The Man, The Myths and His Movies. London: John Blake, 2007. ISBN 1-84454-366-8
  • Jami Bernard. Quentin Tarantino: The Man and His Movies. New York: Harper Perennial / HarperCollins, 1995. ISBN 0-06-095161-3
  • Gerald Peary. Quentin Tarantino: Interviews. Jackson, MS: University Press of Mississippi, 1998.
  • Paul A. Woods. King Pulp: The Wild World of Quentin Tarantino. London: Plexus Publishing Limited, 1996. ISBN 0-85965-235-1

Зноскі

  1. Quentin Tarantino // SNAC — 2010. Праверана 9 кастрычніка 2017.
  2. Quentin Tarantino // Internet Broadway Database — 2000. Праверана 9 кастрычніка 2017.
  3. Quentin Tarantino // filmportal.de — 2005. Праверана 9 кастрычніка 2017.

СпасылкіПравіць