Керкіра (грэч.Κέρκυρα) — горад у Грэцыі, размешчаны на ўсходнім узбярэжжы вострава Керкіры. Адміністрацыйны цэнтр абшчыны Цэнтральная Керкіра і Дыяпонтыі-Нісі, перыферыйнай адзінкі Керкіра і перыферыі Іанічныя астравы. Насельніцтва — 24 838 чалавек (перапіс 2011 года). Самымі характэрнымі збудаваннямі горада з’яўляюцца крэпасці Палеа-Фрурыа (XII—XVI стст.) і Неа-Фрурыа (XVII ст.), у сувязі з чым горад у перыяд сярэднявечча часта называўся Кастраполіс (горад-крэпасць).
Керкіра з’яўляецца месцам знаходжання шэрагу консульскіх устаноў замежных дзяржаў і духоўна-адміністрацыйным цэнтрам праваслаўнай мітраполіі Керкірскай, Паксійскай і Дыяпантыйскіх астравоў, а таксама каталіцкай архідыяцэзіі Корфу, Зантэ і Кефалініі.
У 2007 годзе гістарычны цэнтр Керкіры ўключаны ў спіс сусветнай спадчыны ЮНЕСКА (аб’ект № 978).
