Клятное (Пухавіцкі раён)

Клятно́е (трансліт.: Kliatnoje, руск.: Клетное) — вёска ў Пухавіцкім раёне Мінскай вобласці. Уваходзіць у склад Дубраўскага сельсавета.

Вёска Клятное Краіна Беларусь Вобласць Мінская Раён Пухавіцкі Сельсавет Дубраўскі Каардынаты 53°19′40″ пн. ш. 28°04′56″ у. д. Насельніцтва 86 чалавек (2002) Часавы пояс UTC+3 Тэлефонны код +375 1713 Аўтамабільны код 5 Клятное на карце Беларусі ±

Геаграфія

Знаходзіцца за 27 км на паўднёвы захад ад Мар’інай Горкі і чыгуначнай станцыі Пухавічы на лініі Мінск-Асіповічы.

Гісторыя

Пад уладай Расійскай імперыі

У XIX - XX ст. у Амельнянскай воласці Ігуменскага павета Мінскай губерні.

Найноўшы час

У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.

25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.

У жніўні 1919 года - ліпені 1920 года вёска знаходзілася пад польскай уладай.

Пасля рэвалюцыі працавала працоўная школа 1-ай ступені.

У Другую сусветную вайну з канца чэрвеня 1941 да 3 ліпеня 1944 года акупаваная нацысцкай Германіяй. У 1942-1943 гг. было расстраляна 23 жыхары вёскі.

Да 5 мая 1962 года вёска ўваходзіла ў склад Варашылаўскага сельсавета, пасля — у складзе Сінчанскага сельсавета.

Насельніцтва

• 1816 — 22 двары, каля 140 жыхароў.
• На пачатку XX ст. - 54 двары, 357 жыхароў.
• 1 студзеня 2002 — 45 двароў, 86 жыхароў.

Вядомыя асобы

• Якаў Яфімавіч Камейка (1911 — пасля 1996) — савецкі ваенны і грамадскі дзеяч, генерал-маёр.
• Іван Кузьміч Хурс — военачальнік, віцэ-адмірал.

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх