Кніга Бобы Фета
«Кніга Бобы Фета» (англ.: The Book of Boba Fett) — амерыканскі фантастычны інтэрнэт-тэлесерыял, створаны для патокавага сэрвіса «Disney+». Серыял з’яўляецца часткай франшызы «Зорныя войны» і спін-офам серыяла «Мандалорац». Серыял апавядае пра прыгоды Бобы Фета і Фенек Шанд, якія намагаюцца зрабіць сабе імя ў крымінальным свеце галактыкі, захапіўшы тэрыторыю, якая калісь належала Джабе Хату. Падзеі серыяла разгортваюцца паралельна з іншым спін-офам «Мандалорца» — серыялам «Асока».
| Кніга Бобы Фета | |
|---|---|
| англ.: The Book of Boba Fett | |
 | |
| Жанр | навуковая фантастыка на тэлебачанні[d], adventure television series[d] і драматычны тэлесерыял[d] |
| Стваральнік | Джон Фаўро |
| Заснавана на | Зорныя войны |
| У ролях | |
| Кампазітар | |
| Краіна | |
| Мова | англійская |
| Колькасць сезонаў | 1 |
| Колькасць серый | 7 |
| Вытворчасць | |
| Выканаўчы прадзюсар | Джон Фаўро, Дэйв Філоні[d], Роберт Радрыгес і Кэтлін Кенэдзі[d] |
| Аператар | |
| Месца здымак | Лос-Анджэлес |
| Студыя | Lucasfilm[d] |
| Трансляцыя | |
| Тэлеканал | Disney+[d] |
| На экранах | 29 снежня 2021 — 9 лютага 2022 |
| Спасылкі | |
| disneyplusoriginals.disney.com/… (англ.) | |
| IMDb | ID 13668894 |
 Медыяфайлы на Вікісховішчы | |
Ролю Бобы Фета выканаў акцёр Тэмуэра Морысан, які ў 2002 годзе сыграў Джанга Фета, «бацьку» Бобы, у фільме «Зорныя войны. Эпізод II: Атака клонаў», а пазней, у 2021 годзе, увасобіў на экране самога Бобу Фета ў другім сезоне серыяла «Мандалорац». Актрыса Мінг-На Вен, якая сыграла ў «Мандалорцы» наёмніцу Фенек Шанд, таксама вярнулася да сваёй ролі.
Першапачаткова гісторыю Бобы Фета планавалася раскрыць у асобным фільме па «Зорных войнах», аднак пасля касавага правалу фільма «Хан Сола. Зорныя войны: Гісторыі» і поспеху «Мандалорца» кампанія «Lucasfilm» пачала аддаваць перавагу інтэрнэт-серыялам. Аб патэнцыйным спін-офе «Мандалорца» ўпершыню было абвешчана ў лістападзе 2020 года. «Кніга Бобы Фета» была афіцыйна анансаваная ў снежні 2020 года.
Прэм’ера серыяла адбылася 29 снежня 2021 года. Серыял складаецца з сямі эпізодаў і будзе выходзіць штотыдзень да 9 лютага 2022 года.
Акцёрскі склад правіць
Зноскі
Спасылкі правіць
- Кніга Бобы Фета на сайце «Internet Movie Database» (англ.)