Кобрынскі павет (Расійская імперыя)

Кобрынскі павет (руск.: Кобринский уезд) — адміністрацыйная адзінка ў складзе Слонімскай, Літоўскай і Гродзенскай губерняў у 1795—1920 гадах. Цэнтр — Кобрын.

Кобрынскі павет
Герб
Краіна	Расійская імперыя
Уваходзіць у	Гродзенская губерня
Адміністрацыйны цэнтр	Кобрын
Дата ўтварэння	1795
Насельніцтва	184,5 тыс. (1 897)
Плошча	5,3 тыс. км²

Гісторыя

Кобрынскі павет у складзе Слонімскай губерні Расійскай імперыі быў утвораны ў 1795 годзе на тэрыторыі, якая адышла да Расійскай імперыі ў выніку Трэцяга падзелу Рэчы Паспалітай. У 1797 годзе павет адышоў да Літоўскай губерні, а ў 1801 — да Гродзенскай. У 1920 годзе павет адышоў Польшчы.

Насельніцтва

Паводле перапісу 1897 года ў павеце жыло 184,5 тысяч чалавек, у тым ліку ўкраінцаў — 79,6 %; яўрэяў — 13,7 %; рускіх — 3,1 %; палякаў — 2,2 %; беларусаў — 0,8 %. У павятовым горадзе Кобрыне жыло 10 408 чал.

Адміністрацыйны падзел

У 1913 годзе ў павеце было 30 валасцей:

• Антопальская воласць (цэнтр — м. Антопаль);
• Бездзежская воласць (цэнтр — с. Бездзеж);
• Блоцкая воласць (цэнтр — с. Ліпецк);
• Брашэвіцкая воласць (цэнтр — с. Брашэвічы);
• Верхалеская воласць (цэнтр — с. Навасёлкі);
• Валавельская воласць (цэнтр — с. Валавель);
• Варацэвіцкая воласць (цэнтр — с. Варацэвічы);
• Гарадзецкая воласць (цэнтр — м. Гарадзец);
• Драгічынская воласць (цэнтр — м. Драгічын);
• Дружылавіцкая воласць (цэнтр — с. Дружылавічы);
• Дзівінская воласць (цэнтр — м. Дзівін);
• Залеская воласць (цэнтр — с. Залессе);
• Збіражская воласць (цэнтр — с. Збірагі);
• Зёлаўская воласць (цэнтр — с. Зёлава);
• Іванаўская воласць (цэнтр — м. Іванава);
• Ілаская воласць (цэнтр — с. Грушава);
• Імянінская воласць (цэнтр — с. Аляксеевічы);
• Казішчанская воласць (цэнтр — с. Казішча);
• Макранская воласць (цэнтр — с. Макраны);
• Мотальская воласць (цэнтр — м. Моталь);
• Адрыжынская воласць (цэнтр — с. Адрыжын);
• Азяцкая воласць (цэнтр — с. Азяты);
• Асавецкая воласць (цэнтр — с. Восаўцы);
• Асаўніцкая воласць (цэнтр — в. Асаўніца);
• Падольская воласць (цэнтр — в. Ярэмічы);
• Прускаўская воласць (цэнтр — с. Чаравачыцы);
• Рагазнянская воласць (цэнтр — в. Хведкавічы);
• Сяхновіцкая воласць (цэнтр — в. Сцяпанкі);
• Стрыгаўская воласць (цэнтр — с. Стрыгава);
• Хомская воласць (цэнтр — м. Хомск)

Ураднікі павета

• Кобрынскія павятовыя маршалкі

Літаратура

• Кобрин // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.