Конкурс выканаўцаў эстраднай песні «Віцебск» 2020 года
Конкурс выканаўцаў эстраднай песні «Віцебск-2020» быў праведзены ў 29-ы раз у рамках традыцыйнага фестываля мастацтваў Славянскі Базар у Віцебску. У сувязі з пандэміяй COVID-19 два конкурсных тура прайшлі адно за адным, а апошні тур быў праведзены ў рамках канцэрта закрыцця фестывалю.
Конкурс выканаўцаў эстраднай песні «Віцебск» 2020 года | |
---|---|
{{{Лагатып}}} | |
Я люблю цябе, жыццё! | |
Конкурсныя этапы | |
1-ы дзень | 18 ліпеня: Славянскі хіт |
2-і дзень | 19 ліпеня: Сусветны хіт |
Правядзенне | |
Месца правядзення | Летні амфітэатр |
Вядучы(я) | Ганна Квілорыя Ілля Конанаў |
Дырэктар | Глеб Лапіцкі |
Дырыжор | Віталь Кульбакоў |
Удзельнікі | |
Колькасць краін | 14 |
Дэбют | няма |
Адмовіліся ад удзелу | Кыргызстан Узбекістан Ізраіль |
Галасаванне | |
Сістэма галасавання | адкрытая, ад 5 да 10 балаў ад кожнага сябра журы |
Гран-пры | Раман Волазнеў |
Першая прэмія | Эліна Івашчанка |
Другая прэмія | Караліна Лында |
Трэццяя прэмія | Хансултан Івона Адзіцкі |
Конкурс выканаўцаў эстраднай песні «Віцебск-2020» | |
◄2019 2021► |
Конкурс сабраў прадстаўнікоў 14 краін з Еўропы, Азіі і Латынскай Амерыкі. Канкурсанты з трох краінаў Азіі не змаглі прыняць удзел з-за пандэмічных абмежаванняў, хоць адмысловыя адборы на конкурс былі праведзеныя.
Гран-пры конкурса атрымаў беларускі выканаўца Раман Волазнеў, першая прэмія дасталася ўкраінскай спявачцы Эліне Івашчанка[1]. Яны набралі аднолькавую колькасць балаў, але сябры журы на чале з расійскім спеваком Алегам Газманавым вырашылі прысудзіць Гран-пры.
Рэгламент конкурса правіць
Удзел у конкурсе дазваляецца выканаўцам ад 18 да 31 года ўключна. Максімальная колькасць удзельнікаў - 20 з розных краін свету. Згодна з рэгламентам конкурса, прыярытэтным фактарам пры адборы для ўдзела ў конкурсе з'яўляецца наяўнасць у ўдзельніка рэкамендацыі органа дзяржаўнага кіравання сферай культуры краіны-удзельніцы, і (або) перамога ўдзельніка ў нацыянальным адборачным туры (пры яго наяўнасці).
Конкурсныя выступленні праводзяцца публічна ў два конкурсныя дні ў фармаце мерапрыемства забаўляльнага характару. У першы дзень павіннен выконвацца папулярны і вядомы твор кампазітара славянскай краіны і на адной з славянскіх моў, які займаў (ці занімае) лідэрскія пазіцыі ў хіт-парадах. Выкананне павінна ажыццяўляцца ў суправаджэнні аркестра. Працяг выступлення не павінен займаць больш за 4 хвіліны.
У другі дзень конкурса павінен выконвацца папулярны і вядомы твор, які займаў (ці займае) лідэрскія пазіцыі ў сусветных хіт-парадах. Выканнане павінна ажыццяўляцца ў суправаджэнні фанаграммы "мінус адзін" і доўжыцца не болей за 4 хвіліны.
COVID-19 і змены ў арганізацыі правіць
З-за пэўных абмежаванняў звязаных з пандэміяй, праграма а фестывалю Славянскі Базар была скарочана да 4 дзён[2]. Калі звычайна конкурс праводзіўся адасоблена ад фестывальных праграм на сцэне летняга амфітэатра, то ў 2020 годзе пад яго быў выдзелены асобна толькі адзін дзень. Другі дзень конкурса быў праведзены разам з канцэртам закрыцця фестываля. У сябраў журы было менш часу на абмеркаванне вынікаў, бо яны мусілі паспець аб’явіць пераможцаў да заканчэння канцэрту.
Змены закранулі таксама і традыцыйны склад вядучых. Традыцыйная пара вядучых Дзяніс Дудзінскі і яго жонка Кацярына Раецкая былі выключаны з ўдзелу[3]. Афіцыйнага тлумачэння не адбылося, але неафіцыйна гэта было звязана з пастом падтрымкі ў адрас крамы Symbal.by[4] з боку Дудзінскага і яго агульнымі выказваннямі з нагоды неабмежаванага ўжывання сілы АМАПам у адносінах да мірных грамадзян падчас прэзідэнцкай кампаніі 2020 года ў Беларусі. Для Дудзінскага гэта мог бы быць 15-ы конкурс у Віцебску ў якасці вядучага. Новымі вядучымі сталі Ганна Квілорыя і Ілля Конанаў, якіх дэлегіравала Белтэлерадыёкампанія.
Упершыню на конкурсе прысутнічаў іншы аркестр. Традыцыйна, у адзін з конкурсных дзён удзельнікі павінны выступаць пад акампанемент аркестра ўжывую. Усе прошлыя конкурсы праходзілі з аркестрам Міхаіла Фінберга, але ў 2020 канкурсанты ўпершыню выступалі з Прэзідэнцкім аркестрам пад кіраўніцтвам Віталя Кульбакова.
Калегія журы конкурса правіць
Міжнароднае журы фарміравалася дырэкцыяй фестываля на кантрактнай аснове з ліку папулярных выканаўцаў, кампазітраў, менеджераў. Для конкурса Віцебск-2020 максімальная колькасць сябраў журы была лімітавана 12 асобамі, уключна з Старшынёй, адказнаным і тэхнічным сакратарамі.
Журы ацэньвала ўдзельнікаў па 10-бальнай схеме з найменшым балам 5. Форма галасавання - адкрытая (электронная): канкурсанты атрымлівалі балы адразу пасля выступлення.
У конкурсе 2020 года ў калегіі журы прысутнічалі:
- Алег Газманаў - Старшыня
- Іна Афанасьева
- Кейт Раян
- N'EVERGREEN
- Карылгаш Абдзікарымава
- Ладзіслаў Бубнар
- Наталля Бучынская
Удзельнікі і вынікі правіць
№[5] | Краіна[5] | Выканаўца[5] | Славянскі хіт | Сусветны хіт | Агульны бал | Месца[5] |
---|---|---|---|---|---|---|
01 | Казахстан | Хансултан | 62 | 63 | 125 | 3 |
02 | Італія | Расэлла Дзіціелла | 53 | 56 | 109 | 12 |
03 | Малдова | Уладзімір Фатэску | 54 | 59 | 113 | 9 |
04 | Літва | Караліна Лында | 65 | 66 | 131 | 2 |
05 | Латвія | Дыяна Пашко | 55 | 56 | 111 | 10 |
06 | Балгарыя | Славея Іванова | 54 | 53 | 107 | 14 |
07 | Арменія | Аруцюн Хачатран | 54 | 62 | 116 | 8 |
08 | Куба | Алек Момак | 54 | 55 | 109 | 13 |
09 | Украіна | Эліна Івашчанка | 66 | 68 | 134 | 1 |
10 | Расія | FREYMAN | 63 | 60 | 123 | 6 |
11 | Эстонія | МіЛіса | 48 | 62 | 110 | 11 |
12 | Боснія і Герцагавіна | Івона Адзіцкі | 66 | 58 | 124 | 3 |
13 | Беларусь | Раман Волазнеў | 67 | 67 | 134 | 1 |
14 | Сербія | Стэфан Здраўкавіч | 58 | 60 | 118 | 7 |
Зноскі
- ↑ Гран-пры «Славянскага базара» атрымаў беларускі выканаўца з песняй на словы Багдановіча . Праверана July 20, 2020.
- ↑ “Славянскі базар”: свята і каронавірус(недаступная спасылка). Архівавана з першакрыніцы 19 ліпеня 2020. Праверана August 01, 2020.
- ↑ Дудзінскі і Раецкая не будуць весці «Славянскі базар». Вядучы стаяў у чарзе ў Symbal.by . Праверана August 02, 2020.
- ↑ У кожнага ёсьць свой пункт кіпеньня». Дзяніс Дудзінскі расказаў, чаму рызыкнуў кар’ерай у дзяржструктурах і заступіўся за краму Symbal.by . Праверана August 01, 2020.
- ↑ а б в г Віцебск-2020 - Конкурс выканаўцаў эстраднай песні Віцебск-2020 . fest-sbv.by. Праверана 2 жніўня 2020.(недаступная спасылка)