Крупня (рака)
Кру́пня[1] — рака ў Клімавіцкім і Касцюковіцкім раёнах Магілёўскай вобласці Беларусі, левы прыток ракі Жадунь (басейн Дняпра).
| Крупня | |
|---|---|
| Характарыстыка | |
| Даўжыня | 41 км |
| Басейн | 136 км² |
| Расход вады | 0,7 у вусці м³/с |
| Вадацёк | |
| Выток | |
| • Месцазнаходжанне | за 2 км на паўночны ўсход ад вёскі Сакалоўка |
| • Каардынаты | 53°35′20″ пн. ш. 32°15′55″ у. д.HGЯO |
| Вусце | Жадунь |
| • Месцазнаходжанне | на паўднёвай ускраіне горада Касцюковічы |
| • Каардынаты | 53°19′58,50″ пн. ш. 32°03′46,80″ у. д.HGЯO |
| Ухіл ракі | 1,2 м/км |
| Размяшчэнне | |
| Водная сістэма | Жадунь → Беседзь → Сож → Дняпро → Чорнае мора |
| Краіна | |
| Рэгіён | Магілёўская вобласць |
| Раёны | Клімавіцкі раён, Касцюковіцкі раён |
   |
|
 выток вусце |
|
|
— выток, — вусце |
|
Даўжыня ракі 41 км. Плошча вадазбору 136 км². Сярэднегадавы расход вады ў вусці 0,7 м³/с. Сярэдні нахіл воднай паверхні 1,2 м/км. Пачынаецца за 2 км на паўночны ўсход ад вёскі Сакалоўка Клімавіцкага раёна, вусце на паўднёвай ускраіне горада Касцюковічы. Цячэ на паўднёвым усходзе Аршанска-Магілёўскай раўніны.
Даліна выразная, шырынёй да 2 км, парэзана лагчынамі, ярамі, меліярацыйнымі каналамі. Схілы даліны стромкія, вышынёй да 20[1] м. Пойма вузкая, у верхнім і ніжнім цячэнні чаргуецца па берагах, у сярэднім — двухбаковая (шырыня ў асобных месцах да 1,8 км), асушаная, лугавая. Рэчышча каналізаванае на працягу 26 км (вёска Крупня Клімавіцкага раёна — вёска Карабанава Касцюковіцкага раёна), у высокай плыні слабазвілістае. Берагі натуральнага рэчышча стромкія, вышынёй 0,5—1 м[1]. Шырыня ракі ў межань да 10 м. Прымае сцёк з сеткі меліярацыйных каналаў.
Каля ракі населеныя пункты Сакалоўка, Крупня, Леанполле, Халдзееўка (Клімавіцкі раён), Калодзезькі, Чарчонаўка, Вязавец, Карабанава, Прусіна (Касцюковіцкі раён).
Зноскі
- ↑ 1,0 1,1 1,2 Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1984. — 588 с., іл. — 10 000 экз. — С. 79.
ЛітаратураПравіць
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1984. — С. 79. — 588 с., іл. — 10 000 экз.
- Республика Беларусь. Атлас охотника и рыболова: Могилёвская область / Редактор Г. Г. Науменко. — Мн.: РУП «Белкартография», 2012. — С. 7, 30. — 64 с. — 10 000 экз. — ISBN 978-985-508-173-0. (руск.)
- Ліст карты N-36-89. Выданне 1989 г. Стан мясцовасці на 1984 г. (руск.)