Свята-Крыжаўзвіжанская царква (Сухопаль)
Свята-Крыжаўзвіжанская царква — праваслаўная царква ў аграгарадку Сухопаль Пружанскага раёна Брэсцкай вобласці, збудаваная ў 1903 годзе. Помнік архітэктуры псеўдарускага стылю, ахоўваецца дзяржавай.
| Праваслаўны храм | |
| Свята-Крыжаўзвіжанская царква | |
|---|---|
._%D0%90%D0%B3%D1%83%D0%BB%D1%8C%D0%BD%D1%8B_%D0%B2%D1%8B%D0%B3%D0%BB%D1%8F%D0%B4.1.JPG) | |
| 52°39′27,9″ пн. ш. 24°10′20,8″ у. д.HGЯO | |
| Краіна |
 Беларусь |
| Аграгарадок | Сухопаль |
| Канфесія | Беларуская праваслаўная царква |
| Епархія | Брэсцкая і Кобрынская |
| Архітэктурны стыль | псеўдарускі стыль |
| Дата пабудовы | 1903 год |
| Статус |
 Гісторыка-культурная каштоўнасць Беларусі, шыфр 113Г000652 |
 |
|
 Медыяфайлы на Вікісховішчы | |
Гісторыя Правіць
._%D0%9D%D0%B0%D0%B4%D0%BC%D0%B0%D0%B3%D1%96%D0%BB%D0%BB%D0%B5_%D1%96%D0%B5%D1%80%D1%8D%D1%8F_%D0%9F%D0%B0%D1%9E%D0%BB%D0%B0_%D0%91%D0%B0%D0%BB%D0%B0%D0%B1%D1%83%D1%88%D1%8D%D0%B2%D1%96%D1%87%D0%B0..JPG)
Знаходзіцца ў цэнтры вёскі. Царква збудаваная з цэглы на месцы старой драўлянай царквы, якая была заснавана меркавана ў канцы XVII стагоддзя[1]. Двойчы драўляны будынак згараў, а сучасны збудаваны з цэглы і асвечаны 26 кастрычніка 1903.
Храм дзейнічаў бесперапынна і за савецкім часам.
Архітэктура Правіць
Храм чатырохчасткавай падоўжна-восевай кампазіцыі, створанай двух’яруснай званіцай над папярочным прытворам, прамавугольнай у плане трапезнай, кубападобнай малітоўнай залай, пяціграннай апсідай з бакавымі рызніцамі. У сілуэце дамінуюць цыбулепадобныя галоўкі гранёнага шатра званіцы (2 васьмерыкі над прамавугольным прытворам) і васьміграннага барабана над чатырохсхільным пакатым дахам асноўнага аб’ёму. Галоўны і бакавыя ўваходы ў выглядзе прытвораў пад двухсхільнымі дахамі аформлены вуглавымі лапаткамі, зубчастымі карнізамі, прамавугольнымі панэлямі. Лучковыя аконныя праёмы (у 2 ярусы ў асноўным аб’ёме) дэкарыраваны плоскімі ліштвамі. Аб’ёмы апяразаны прафіляванымі карнізамі, зубчастымі фрызамі, вуглавымі лапаткамі, слаістымі ў прасценках бакавых фасадаў асноўнага аб’ёму.
Інтэр’ер Правіць
._%D0%90%D0%B3%D1%83%D0%BB%D1%8C%D0%BD%D1%8B_%D1%96%D0%BD%D1%82%D1%8D%D1%80%27%D0%B5%D1%80..JPG)
Прастора трапезнай адкрыта ў малітоўную залу шырокім арачным прасветам. Апсіда вылучана драўляным іканастасам. Абраз 19 ст. «Спас Пантакратар».
Зноскі
- ↑ Архіўная копія (руск.)(недаступная спасылка). Архівавана з першакрыніцы 4 красавіка 2013. Праверана 31 мая 2014.
Літаратура Правіць
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі Правіць
На Вікісховішчы ёсць медыяфайлы па тэме Свята-Крыжаўзвіжанская царква (Сухопаль)- Свята-Крыжаўзвіжанская царква (Сухопаль) на сайце Radzima.org
- Свята-Крыжаўзвіжанская царква (Сухопаль) на сайце Глобус Беларусі (руск.)
- Праваслаўе.by Архівавана 4 красавіка 2013. (руск.)
- Свята-Крыжаўзвіжанская царква (Сухопаль) на сайце «Архіварта»
