Крымскі фронт

Кры́мскі фронт — адзін з франтоў РСЧА падчас Вялікай Айчыннай вайны.

Крымскі фронт
Эмблема УС
Гады існавання	28 студзеня 1942 — 19 мая 1942
Краіна	СССР
Падпарадкаванне	камандуючаму войскамі фронту
Уваходзіць у	Узброеныя Сілы СССР
Тып	фронт
Складаецца з	упраўленне, аб'яднанні, злучэнні, воінскія часці і ўстановы
Колькасць	аб'яднанне
Удзел у	Вялікая Айчынная вайна
Камандзіры
Вядомыя камандзіры	Дзмітрый Цімафеевіч Казлоў

Гісторыя

Утвораны 28 студзеня 1942 года шляхам падзелу Каўказскага фронту і уключэннем у яго армій, якія знаходзіліся на Керчанскім і Таманскім паўвостраве, ў раене Краснадара, а таксама ў аператыўным падпарадкаванні знаходзіліся іншыя сілы.

Крымскаму фронту паставілі задачу дапамагаць войскам Севастопальскага абарончага раёна, нанесці ўдар на Карасубазар (Белагорск) і стварыць пагрозу выхаду ў тыл войскаў праціўніка, якія блакавалі Севастопаль.

У перыяд 27 лютага — 13 красавіка 1942 года войскі Крымскага фронту тройчы пераходзілі ў наступленне, але значных вынікаў не дасягнулі. Пасля малаважнага прасоўвання яны вымушаны былі перайсці да абароны.

З 21 красавіка 1942 года Крымскі фронт увайшоў ў склад войскаў Паўночна-Каўказскага напрамку.

Чарнаморскі флот, Азоўская ваенная флатылія, Севастопальскі абарончы раён і Паўночна-Каўказская ваенная акруга былі выведзены з падпарадкавання камандуючага войскамі фронту.

8 мая 11-я нямецкая армія перайшла ў наступленне на Керчанскім паўвостраве і 16 мая авалодала Керччу (Гл. Аперацыя «Паляванне на дроф»). Войскі Крымскага фронту вымушаны былі эвакуіравацца на Таманскі паўвостраў. Некаторыя злучэнні не змаглі пакінуць Крым, занялі Аджымушкайскія каменяломні і да канца кастрычніка 1942 года вялі барацьбу з праціўнікам, не маючы запасаў ежы, вады, медыкаментаў, зброі і боепрыпасаў.

Агульныя страты РСЧА за час дэсантнай аперацыі склалі больш за 300 тыс. чал, у тым ліку каля 170 тысяч палонных, а таксама значная колькасць цяжкага ўзбраення. Паражэнне дэсанту цяжка адбілася на лёсе абложанага Севастопаля і палегчыла вермахту летні наступ на Каўказ.

19 мая 1942 года Крымскі фронт быў расфармаваны, а яго войскі перададзеныя Паўночна-Каўказскага фронту.

Склад

• 44-я армія
• 47-я армія
• 51-я армія
• ВПС Каўказскага фронту

У аператыўным падпарадкаванні:

• Севастопальскі абарончы раён
• Чарнаморскі флот
• Азоўская ваенная флатылія
• Керчанская ваенна-марская база
• Паўночна-Каўказская ваенная акруга

Камандаванне

Камандуючы:

• генерал-лейтэнант Д. Ц. Казлоў (увесь перыяд)

Член Ваеннага савета:

• дывізіённы камісар Ф. А. Шаманін (увесь перыяд)

Начальнікі штаба:

• генерал-маёр Ф. І. Талбухін (студзень — сакавік 1942 г.)
• генерал-маёр П. П. Вечны (сакавік — май 1942)

Спасылкі

• Крымскі фронт
• «Гнілая пазіцыя» генерала Мехліса Архівавана 5 сакавіка 2008.