Крыстафер Лоік

Крыстафер Джарэбан Лоік (англ.: Christopher Jorebon Loeak; нар. 11 лістапада 1952, Аілінглапалап, Маршалавы Астравы) — маршальскі дзяржаўны і палітычны дзеяч, прэзідэнт Маршалавых Астравоў з 10 студзеня 2012 г. Быў абраны парламентам, атрымаўшы 21 голас супраць 11, аддадзеных за Джурэланга Зедкаю.

Крыстафер Лоік
Christopher Loeak
прэзідэнт Маршалавых Астравоў[d] 10 студзеня 2012 — 1 студзеня 2016
Папярэднік	Jurelang Zedkaia[d]
Пераемнік	Casten Nemra[d]
Minister in Assistance to the President of Marshall Islands[d] з 13 студзеня 2020
Нараджэнне	11 лістапада 1952(1952-11-11) (71 год) Ailinglaplap Atoll[d], Маршалавы Астравы
Жонка	Анона Лоік
Дзеці	трое
Грамадзянства	Маршалавы Астравы
Партыя	беспартыйны
Адукацыя	Hawaii Pacific University[d] Portland Community College[d] Marshall Islands High School[d]
Дзейнасць	палітык
Медыяфайлы на Вікісховішчы

Біяграфія

Нарадзіўся на востраве Аілінглапалап, Маршалавы Астравы. Родная мова — маршальская. Атрымаў вышэйшую адукацыю ў ЗША. Пазней скончыў два універсітэты — Ганзага і Гавайскі ціхаакіянскі.

Лоік быў абраны ў Заканадаўчы сход Маршалавых Астравоў у 1985 годзе як прадстаўнік Аілінглапалапа. З 1988 па 1992 год ён быў міністрам юстыцыі ў кабінеце прэзідэнта Амата Кабуа. У 1992 годзе ён стаў міністрам сацыяльных паслуг і займаў гэтую пасаду да смерці прэзідэнта ў 1996 годзе. Калі новым кіраўніком дзяржавы быў абраны Імата Кабуа, Лоік стаў міністрам адукацыі. Ён займаў гэтую пасаду на працягу двух гадоў. У 1998 годзе Лоік атрымаў пасаду кіраўніка ланцуга астравоў Ралік, а праз год стаў памочнікам прэзідэнта.

У 2007 годзе Лоик стаў спікерам ў Заканадаўчым сходзе, а пасля абрання кіраўніком дзяржавы Літоквы Тамеінга вярнуўся да пасады памочніка прэзідэнта. Працягваў сваю палітычную дзейнасць і пасля абвяшчэння вотуму недаверу Тамеінзе і абрання Джурэланга Зедкаі. 19 студзеня 2012 г Лоік стаў прэзідэнтам Маршалавых Астравоў.

Спасылкі

• rmigovernment.org — афіцыйны сайт прэзідэнта Маршалавых Астравоў