Кіеўская архіепархія (уніяцкая)

Кіеўская архіепархія (уніяцкая) – адміністрацыйна-тэрытарыяльная адзінка (архіепархія) ўніяцкай царквы ў межах Вялікага Княства Літоўскага і Кароны Каралеўства Польскага ў час існавання Рэчы Паспалітай, галоўная (мітрапаліцкая) архіепархія Кіеўскай, галіцкай і ўсяе Русі ўніяцкай мітраполіі.

Адміністрацыйна-тэрытарыяльны падзел Рускай уніяцкай царквы ў 1772 годзе

З канца 16 стагоддзя ахоплівала Кіеўскае, Навагрудскае, Менскае, Віленскае, Троцкае ваяводствы і Жамойць.

Гісторыя

Створана ў выніку перавода Кіеўскай мітрапаліцкай праваслаўнай архіепархіі ва ўніяцтва пасля Берасцейскай уніі 1596. Пасля 3-га падзелу Рэчы Паспалітай 1795 архіепархія была скасавана, а яе цэрквы і манастыры падначалены полацкаму архібіскупу.

Біскупы

Асноўны артыкул: Кіеўскія ўніяцкія мітрапаліты

Літаратура

• Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.