Вікіпедыя

Кірыл Валер’евіч Пячэнін

беларускі футбаліст
(Пасля перасылкі з Кірыл Пячэнін)

Кірыл Пячэнін (нар. 18 сакавіка 1997) — беларускі футбаліст, абаронца расійскага клуба «Арэнбург» і нацыянальнай зборнай Беларусі.

Футбол
Кірыл Пячэнін
Поўнае імя Кірыл Валер’евіч Пячэнін
Нарадзіўся 18 сакавіка 1997(1997-03-18)[1][2] (26 гадоў)
Грамадзянства  Беларусь
Рост 176 см
Вага 69 кг
Пазіцыя абаронца, паўабаронца
Інфармацыя пра клуб
Клуб Расія Арэнбург
Нумар 25
Клубная кар’ера[* 1]
2015—2019 Беларусь Віцебск 58 (5)
2017 →  Беларусь Орша 11 (0)
2017 →  Беларусь Нафтан (Наваполацк) 13 (1)
2020 Беларусь Дынама (Брэст) 23 (1)
2021 Беларусь Рух (Брэст) 27 (2)
2022— Расія Арэнбург 23 (0)
Нацыянальная зборная[* 2]
2017—2018 Беларусь Беларусь (да 21) 13 (0)
2017 Беларусь Беларусь B 1 (0)
2019— Беларусь Беларусь 22 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 лістапада 2022.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 15 верасня 2023

Клубная кар’ера Правіць

Выхаванец віцебскага футбола, у 2015 годзе пачаў выступаць за дубль «Віцебска». У 2016 годзе, ужо трывала замацаваўшыся ў рэзервовай камандзе, стаў таксама часам прыцягвацца да асноўнай каманды. Да сезона 2017 рыхтаваўся разам з асновай «Віцебска», аднак у сакавіку 2017 года быў аддадзены ў арэнду першалігавай «Оршы», дзе здолеў замацавацца ў асноўным складзе.

У ліпені 2017 года на правах арэнды далучыўся да наваполацкага «Нафтана»[3]. 31 ліпеня 2017 года дэбютаваў у Вышэйшай лізе, выйшаўшы ў стартавым складзе «Нафтана» ў матчы са «Слуцкам» (1:0). У наваполацкім клубе здолеў замацавацца на пазіцыі левага абаронцы. Па выніках сезона 2017 «Нафтан» выбыў у Першую лігу, і ў снежні 2017 года Пячэнін вярнуўся ў «Віцебск»[4].

У сезоне 2018 замацаваўся ў аснове віцебскай каманды, чаргаваў выхады ў стартавым складзе і на замену, а ў сезоне 2019 ужо трывала выхадзіў у стартавым складзе. Выкарыстоўваўся як у якасці левага абаронцы, так і ў паўабароне.

У студзені 2020 года падпісаў двухгадовы кантракт з брэсцкім «Дынама»[5]. Стаў адным з асноўных ігракоў брэсцкай каманды. У студзені 2021 года стаў трэніравацца з брэсцкім «Рухам», з якім у лютым падпісаў пагадненне[6]. У складзе «Руха» таксама быў іграком асновы.

У снежні 2021 года стаў іграком расійскага клуба «Арэнбург»[7].

Міжнародная кар’ера Правіць

25 сакавіка 2017 года дэбютаваў у моладзевай зборнай Беларусі ў таварыскім матчы са зборнай Літвы. У ліпені 2017 года выступаў за другую зборную Беларусі на Кубку Караля ў Тайландзе.

У 2019 годзе пачаў прыцягвацца да нацыянальнай зборнай Беларусі. 9 верасня 2019 года дэбютаваў у зборнай, выйшаўшы на замену ў другім тайме таварыскага матча супраць Уэльса (0:1).

Дасягненні Правіць

Статыстыка выступленняў Правіць

Сезон Дывізіён Клуб Краіна Матчы Галы
2015 дубль Віцебск   25 1
2016 дубль Віцебск   29 7
2017 (1) Д2 Орша   11 0
2017 (2) Д1 Нафтан   13 1
2018 Д1 Віцебск   29 3
2019 Д1 Віцебск   29 2
2020 Д1 Дынама   23 1
2021 Д1 Рух   27 2
2021/22 (2) Д2 Арэнбург   10 0

Крыніцы Правіць

  1. ↑ Kirill Pechenin // Transfermarkt — 2000. Праверана 9 кастрычніка 2017.
  2. ↑ Kiryl Pyachenin // FBref.com
  3. ↑ Сергей Виноградов и Кирилл Печенин отданы в аренду "Нафтану" Архівавана 22 ліпеня 2017.
  4. ↑ Вайтюховский Н.И.: "Короткий шаг назад перед большим шагом вперед" Архівавана 30 студзеня 2018.
  5. ↑ Печенин сменил "Витебск" на брестское "Динамо"
  6. ↑ Печенин стал игроком "Руха"
  7. ↑ Защитник сборной Беларуси Кирилл Печенин перебрался из Бреста в ФНЛ
Узята з "https://be.wikipedia.org/w/index.php?title=Кірыл_Валер’евіч_Пячэнін&oldid=4578619"