Клара Уладзіміраўна Сакалова

Клара Уладзіміраўна Сакалова (15 ліпеня 1931, Архангельск) — беларускі архітэктар.

Клара Уладзіміраўна Сакалова
Дата нараджэння	15 ліпеня 1931(1931-07-15) (92 гады)
Месца нараджэння	Архангельск, Паўночны край[d], РСФСР, СССР
Альма-матар	Львоўскі політэхнічны інстытут (1954)
Месца працы	Белдзяржпраект Мінскпраект
Член у	Саюз архітэктараў СССР Беларускі саюз архітэктараў

Біяграфія

Скончыла Львоўскі політэхнічны інстытут у 1954 годзе. Працавала ў праектных арганізацыях Новакузнецка, Алма-Аты, Львова. З 1972 г. — галоўны архітэктар праектаў у Белдзяржпраекце, з 1974 года — у Мінскпраекце.

Член Саюза архітэктараў СССР з 1965 года. Пражывала ў Мінску.

Творчасць

У аўтарскім калектыве ёю запраектаваны: навучальны камбінат Гушашдара па вул. Гогаля (1964), жылыя дамы ў мікрараёне Кактэм-2 (1972) у Алма-Аце, інтэрнат па вул. Брусава (1970), будынак ЦНТІ (1965) у Львове.

У Беларусі ўдзельнічала ў распрацоўцы праектаў буйнапанэльных жылых дамоў і інтэрнатаў серыі М-335 БК, праектаў забудовы мікрараёнаў па вул. Сярова, Сурганава ў Мінску.

Літаратура

• Соколова Клара Владимировна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)