Казімеж Пшэрва-Тэтмаер

Казімеж Пшэрва-Тэтмаер (Kazimierz Przerwa-Tetmajer; 12 лютага 1865, в. Людзьмеж, Польшча — 18 студзеня 1940) — польскі пісьменнік; прадстаўнік «Маладой Польшчы».

Казімеж Пшэрва-Тэтмаер
польск.: Kazimierz Przerwa-Tetmajer
Асабістыя звесткі
Дата нараджэння	12 лютага 1865(1865-02-12)[…]
Месца нараджэння	Людзмеж[d], Гміна Новы Тарг, Наватаргскі павет, Малапольскае ваяводства, Польшча
Дата смерці	18 студзеня 1940(1940-01-18)[…] (74 гады) ці 18 студзеня 1948(1948-01-18) (82 гады)
Месца смерці	Варшава
Пахаванне	Могілкі заслужаных[d]
Грамадзянства	Польская Рэспубліка  Аўстра-Венгрыя
Альма-матар	Ягелонскі ўніверсітэт Bartłomiej Nowodworski High School[d]
Прафесійная дзейнасць
Род дзейнасці	паэт, пісьменнік, журналіст, драматург, празаік
Мова твораў	польская
Узнагароды
Подпіс
Творы ў Вікікрыніцах
Медыяфайлы на Вікісховішчы

Скончыў Ягелонскі універсітэт у Кракаве (1889). Друкаваўся з 1886.

Выдаў 8 зборнікаў вершаў (1891—1924), якім уласцівы імпрэсіяністычна-сімвалісцкі характар, метафарычнасць, музычнасць; звяртаўся да пейзажнай, інтымнай і філасофскай лірыкі. У драмах «Сфінкс» (1893), «Завіша Чорны» (1901), «Рэвалюцыя» (1906) выразныя сімвалісцкія тэндэнцыі. Сэнс быцця чалавека, праблемы сучаснасці і мастацтва ў раманах «Анёл смерці» (1898), «Пані Мэры» (1901), «Гібель» (1905); прырода, традыцыі і побыт жыхароў польскіх Татраў у цыкле апавяданняў «На Скалістым Падгаллі» (1903—10). У гістарычным рамане «Легенда Татраў» (1910—11) мастацкае асэнсаванне гісторыі Польшчы 17 ст. Раман «Канец эпапеі» (т. 1—4, 1913—17) пра вайну 1812 і ўдзел у ёй палякаў.

Асобныя творы К. Тэтмаера ў перакладзе на беларускую мову друкаваліся ў газеце «Наша ніва» (1910—13).

Адно з апавяданняў «Дудар» пераклаў на беларускую мову Вацлаў Ластоўскі, верш «На дзень анёла» — Алег Мінкін.

Літаратура

• Хмяльніцкі М. Тэтмаер // БелЭн у 18 т. Т. 16. Мн., 2003.