ФК Лакаматыў Масква

«Лакаматы́ў» (руск.: Локомотив) — расійскі футбольны клуб з горада Масква. Заснаваны ў 1923 годзе. Трохразовы чэмпіён Расіі, двухразовы ўладальнік Кубка СССР, дзевяціразовы ўладальнік Кубка Расіі і трохразовы ўладальнік Суперкубка Расіі. Генеральным спонсарам клуба з’яўляецца ААТ «Расійскія чыгункі».

Лакаматыў
Поўная назва	ЗАО «ФК Локомотив»
Заснаваны	12 жніўня 1923
Горад	Масква, Расія
Стадыён	РЖД Арэна Умяшчальнасць: 27 320
Уладальнік	Расейская чыгунка[d]
Прэзідэнт	Уладзімір Лявончанка[d]
Галоўны трэнер	Міхаіл Галакціёнаў[d]
Чэмпіянат	Прэм’ер-ліга
2021/22	6 месца
Сайт	Афіцыйны сайт
Асноўная форма Гасцявая форма Рэзервовая форма

Гісторыя

Дата заснавання

Афіцыйнай датай заснавання клуба пад сучаснай назвай «Лакаматыў» з’яўляецца 12 студзеня 1936 года. Аднак на афіцыйным сайце клуба пазначана, што папярэднікамі «Лакаматыва» былі чыгуначныя клубы «Казанка», які з’явіўся ў 1923 годзе; Клуб Кастрычніцкай рэвалюцыі (ККР), які выступаў у 1924—1930 гадах; і зноў «Казанка», які гуляў у 1931—1935 гадах. У адпаведнасці з гэтым, датай заснавання клуба можа таксама лічыцца 12 жніўня 1923 года. У кнізе Савіна «Масква футбольная» са спасылкай на футбольны каляндар-даведнік Масквы 1922 года прыводзіцца інфармацыя аб складах груп «Б» і «В» чэмпіянату сталіцы, дзе можна знайсці першыя згадванні аб камандзе рабочых чыгуначнага дэпо Масква-Пасажырская Казанскай чыгункі пад назвай «Гурток футбалістаў Казанскай дарогі» (скарочана «Казанка»), якая з’явілася ў 1922 годзе. Фактычна ў асяроддзі заўзятараў «Лакаматыва» кожны год двойчы адзначаюць дзень нараджэння каманды, паколькі 12 жніўня знаходзіцца па тэрмінах побач з Днём чыгуначніка, які адзначаецца ў першую нядзелю жніўня.

1923—1991

22 мая 1936 года стаў днём нараджэння чэмпіянатаў Савецкага Саюза па футболе, адкрываў чэмпіянат матч паміж ленінградскім «Дынама» і маскоўскім «Лакаматывам». Першы гол быў на рахунку гульца чыгуначнікаў Віктара Лаўрова, але пасля ленінградская каманда забіла тры галы і перамагла ў матчы з лікам 3:1. Той сэзон чыгуначнікі скончылі на пятым месцы, тады ж быў і першы заваяваны трафей, ім стаў першы Кубак СССР у 1936 годзе. У фінале на стадыёне «Дынама» ў прысутнасці 20 тысяч гледачоў «Лакаматыў» абыграў тбіліскае «Дынама».

У канцы 1930-х гадоў за каманду гуляў Валянцін Гранаткін, які зрабіў выдатную кар’еру ў якасьці гульца і чыноўніка. З 1981 года па ініцыятыве прэзідэнта ФІФА Жуана Авеланжа праводзіцца міжнародны турнір юнацкіх каманд па футболе памяці першага віцэ-прэзідэнта ФІФА Гранаткіна.

Склад

Станам на люты 2023 года.

№ Паз. Імя Нар. 1 Бр Гільермі 1985 2 Аб Дзмітрый Жываглядаў 1994 3 Аб Лукас Фасан 2001 4 Аб Станіслаў Магкееў 1999 5 ПА Канстанцін Марадзішвілі 2000 6 ПА Дзмітрый Барынаў (капітан) 1996 7 Нап Арцём Дзюба 1988 8 Аб Ігар Смольнікаў 1988 9 Нап Іван Ігнацьеў 1999 10 Нап Вільсан Ізідор 2000 11 ПА Антон Міранчук 1995 12 Аб Марыа Мітай 2003 15 Нап Максім Глушанкоў 1999 17 ПА Рыфат Жэмалетдзінаў 1996 19 ПА Сяргей Піняеў 2004

№ Паз. Імя Нар. 20 Аб Іван Кузьмічоў 2000 22 Бр Ілья Лантратаў 1995 24 Аб Максім Нянахаў 1998 25 Нап Франсуа Камано 1996 27 Нап Вадзім Ракаў 2005 30 Аб Херман Конці 1994 43 ПА Міхаіл Шчацінін 2005 53 Бр Данііл Худзякоў 2004 59 Аб Ягор Погастнаў 2004 60 Бр Андрэй Савін 1999 69 ПА Данііл Кулікаў 1998 71 Аб Наір Тыкнізян 1999 81 Нап Кірыл Нікішын 2004 92 ПА Абдула Багамаеў 2004 93 ПА Арцём Карпукас 2002

Спасылкі

• На Вікісховішчы ёсць медыяфайлы па тэме ФК Лакаматыў Масква
• Афіцыйны сайт