Леанід Адамавіч Сасноўскі

Леанід Адамавіч Сасно́ўскі (25 ліпеня 1935, Палессе, Чачэрскі раён, Гомельская вобласць — 10 лютага 2023) — беларускі вучоны ў галіне прыкладной механікі, доктар тэхнічных навук (1987), прафесар (1988), адзін з заснавальнікаў трыбафатыкі.

Леанід Адамавіч Сасноўскі
Дата нараджэння	25 ліпеня 1935(1935-07-25)
Месца нараджэння	Палессе, Палескі сельсавет, Чачэрскі раён, БССР, СССР
Дата смерці	10 лютага 2023(2023-02-10) (87 гадоў)
Грамадзянства	СССР  Беларусь
Род дзейнасці	навуковец
Навуковая сфера	прыкладная механіка
Месца працы	Пермскі нацыянальны даследчы політэхнічны ўніверсітэт Беларускі дзяржаўны ўніверсітэт харчовых і хімічных тэхналогій БелДУТ Аляксандраўскі машынабудаўнічы завод[d]
Навуковая ступень	доктар тэхнічных навук
Навуковае званне	прафесар
Альма-матар	Санкт-Пецярбургскі горны інстытут
Прэміі
Узнагароды	медалі ВДНГ

Біяграфія

Нарадзіўся 25 ліпеня 1935 года ў вёсцы Палессе (сучасны аграгарадок у Чачэрскім раёне Гомельскай вобласці Беларусі).

У 1958 годзе скончыў Ленінградскі горны інстытут па спецыяльнасці «Горныя машыны». Быў накіраваны на Аляксандраўскі машынабудаўнічы завод (Аляксандраўск, Пермскі край, РСФСР) і да 1962 года працаваў інжынерам-тэхнолагам, інжынерам-канструктарам, інжынерам-тэхнолагам і старшым інжынерам-тэхнолагам канструктарскага бюро. У 1962—1964 гадах — старшы выкладчык Пермскага політэхнічнага інстытута. У 1964—1967 гадах праходзіў навучанне ў аспірантуры Цэнтральнага навукова-даследчага інстытута тэхналогіі машынабудавання ў Маскве і ў 1967 годзе абараніў кандыдацкую дысертацыю. У 1967—1976 гадах старшы навуковы супрацоўнік, загадчык лабараторыі, загадчык аддзела трываласці Усесаюзнага навукова-даследчага інстытута кампрэсарнага машынабудавання ў горадзе Сумы.

З 1976 года — дацэнт Магілёўскага тэхналагічнага інстытута, з 1978 года — загадчык кафедры. З 1980 года працаваў у Беларускім дзяржаўным універсітэце транспарту — прафесар, дацэнт, загадчык кафедры будаўнічай механікі, з 1992 года — загадчык кафедры прыкладной матэматыкі і тэорыі надзейнасці. Адначасова з 1992 года дырэктар ААТ «НПА ТРЫБАФАТЫКА», з 1998 года — галоўны навуковы супрацоўнік, загадчык лабараторыяй трыбафатыкі — ГКСБ ВА «Гомсельмаш».

Памёр 10 лютага 2023 года.

Навуковая дзейнасць

Аўтар больш за за 800 навуковых прац, 2 манаграфій, 3 даведнікаў, 3 вучэбных дапаможнікаў па будаўнічай механіцы, тэорыі надзейнасці, механіцы стомленаснага разбурэння, тэарэтычным асновам трыбафатыкі.

Сярод апублікаванага:

• Статистическая механика усталостного разрушения. — Мн., 1987.
• Трибофатика: О диалектике жизни. 2 изд. — Гомель, 1999.
• Основы тибофатики: Учебное пособие. Ч. 1—2. — Гомель, 2003.
• Surprises of Tribo-Faigu / L. A. Sosnovskiy, S. S. Sherbakov; trans. editor D. V. Tkachik -Minsk: Magik Book, 2009.

Аўтар паэтычнага зборніка «Россыпь чувств» і праекта «Далоні цёплыя зямлі».

Узнагароды і званні

• Медаль Францыска Скарыны
• Заслужаны дзеяч навукі Рэспублікі Беларусь (1998)
• Дзяржаўная прэмія Украіны ў галіне навукі і тэхнікі (1997)
• Знакі «За выдатныя поспехі ў працы» ў галіне вышэйшай адукацыі СССР, «Ганаровы транспартнік», «Ганаровы чыгуначнік ААТ РЖД»
• Памятны знак «175 гадоў расійскім чыгункам»
• сярэбраны медаль ВДНГ СССР
• Ганаровы грамадзянін Чачэрскага раёна (2004).

Літаратура

• Сасноўскі Леанід Адамавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 191. — 10 000 экз. — ISBN 985-11-0035-8. — ISBN 985-11-0238-5 (т. 14).
• Сосновский Леонид Адамович // Кто есть Кто в Республике Беларусь. 2001. Т. 1.: Наука. Образование / Под ред. И. В. Чекалова. — Мн., 2001. — С. 149. (руск.)

Спасылкі

• Сасноўскі Леанід Адамавіч на сайце анлайн-энцыклапедыі «Беларусь у асобах і падзеях»
• Сосновский Леонид Адамович // Знаменитые люди Гомельщины (руск.)
• Ганаровыя грамадзяне горада Чачэрска і Чачэрскага раёна // Чачэрская цэнтральная раённая бібліятэка Архівавана 26 жніўня 2021.
• Сосновский Леонид Адамович (руск.) // Сайт БелДУТ
• База патентов Беларуси (руск.)