Леанід Аляксандравіч Яновіч

Леанід Аляксандравіч Яновіч (4 сакавіка 1934 в. Кажушкі, Слуцкі раён — 26 лістапада 2022) — беларускі вучоны ў галіне матэматыкі, доктар фізіка-матэматычных навук (1987), член-карэспандэнт Нацыянальнай акадэміі навук Беларусі (1989), прафесар (1992).

Леанід Аляксандравіч Яновіч
альтэрн.: Леанід Аляксандравіч Яновіч
Дата нараджэння	4 сакавіка 1934(1934-03-04)
Месца нараджэння	Кажушкі, Ленінскі сельсавет, Слуцкі раён, БССР, СССР
Дата смерці	26 лістапада 2022(2022-11-26) (88 гадоў)
Грамадзянства	Беларусь  СССР
Род дзейнасці	матэматык
Месца працы	Інстытут матэматыкі НАН Беларусі БДУ
Навуковая ступень	доктар фізіка-матэматычных навук (1987) і доктар фізіка-матэматычных навук
Навуковае званне	прафесар член-карэспандэнт АН БССР прафесар
Альма-матар	БДУ (1957) БДУ
Прэміі	прэмія Нацыянальнай акадэміі навук Беларусі (1993)
Узнагароды

Біяграфія

Нарадзіўся 4 сакавіка 1934 года ў в. Кажушкі Слуцкага раёна.

Скончыў Ленінскую сярэднюю школу (1949), Беларускі дзяржаўны ўніверсітэт (1957). У 1957—1967 гадах — малодшы навуковы супрацоўнік, старшы інжынер-канструктар, галоўны інжынер, у 1967—1996 гадах — загадчык лабараторыі, з 1996 года — галоўны навуковы супрацоўнік Інстытута матэматыкі НАН Беларусі.

Памёр 26 лістапада 2022 года.

Навуковая дзейнасць

Навуковыя даследаванні ў галіне набліжаных метадаў аналізу і вылічальнай матэматыкі.

Аўтар звыш 80 навуковых прац, у тым ліку 4 манаграфій.

Узнагароды

Узнагароджаны ордэнам «Знак Пашаны» (1976), медалямі. Лаўрэат прэміі НАН Беларусі 1993 года за распрацоўку набліжаных метадаў функцыянальнага інтэгравання.

Спасылкі

• Леанід Аляксандравіч Яновіч у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)