Леанід Гаўрылавіч Чубрыкаў

Леанід Гаўрылавіч Чу́брыкаў (руск.: Леонид Гаврилович Чубриков; 8 верасня 1926) — вучоны ў галіне электронікі, доктар тэхнічных навук (1992), прафесар (1994).

Леанід Гаўрылавіч Чубрыкаў
руск.: Леонид Гаврилович Чубриков
Дата нараджэння	8 верасня 1926(1926-09-08) (97 гадоў)
Месца нараджэння	Акунёва, Акунёўскае сельскае паселішча[d], Прамышленнаўскі раён[d], Кемераўская вобласць, РСФСР, СССР
Грамадзянства	СССР  Беларусь
Род дзейнасці	навуковец
Навуковая сфера	электроніка, фізіка, біялогія і анкалогія
Месца працы	Акадэмія навук СССР Прыазоўскі дзяржаўны тэхнічны ўніверсітэт Гомельскі дзяржаўны тэхнічны ўніверсітэт імя П. В. Сухога Данбаская дзяржаўная машынабудаўнічая акадэмія[d]
Навуковая ступень	доктар тэхнічных навук
Навуковае званне	прафесар
Альма-матар	Уральскі дзяржаўны тэхнічны ўніверсітэт — УПІ[d]

Біяграфія

Нарадзіўся ў сяле Акунёва Сібірскага края РСФСР (зараз у Прамышленнаўскім раёне Кемераўскай вобласці Расіі). Скончыў 6 класаў школы, Чымкенцкае рамеснае вучылішча. У лютым 1944 года быў прызваны на службу ў Чырвоную Армію. Скончыў Акруговыя курсы радыётэлеграфістаў і ўдзельнічаў у баях на тэрыторыі Польшчы, Чэхаславакіі, Германіі. У 1958 годзе скончыў радыётэхнічны факультэт Свярдлоўскага політэхнічнага інстытута па спецыяльнасці «Аўтаматыка і тэлемеханіка». У 1958—1964 гадах Л. Г. Чубрыкаў на пасадзе малодшага навуковага супрацоўніка ва Уральскім філіяле Акадэміі навук СССР. У 1962 годзе скончыў Універсітэт марксізма-ленінізма, у 1963 годзе абараніў кандыдацкую дысертацыю. У 1964—1973 гг. на пасадзе дацэнта кафедры аўтаматызацыі тэхналагічных працэсаў Жданаўскага металургічнага інстытута, у 1973—1975 і 1978—2014 гадах у Гомельскім філіяле Беларускага політэхнічнага інстытута (сучасны Гомельскі дзяржаўны тэхнічны ўніверсітэт імя П. В. Сухога) на пасадах дацэнта, прафесара кафедры «Тэарэтычныя асновы электратэхнікі» энергетычнага факультэта. У 1975—1977 гадах займаў пасаду загадчыка лабараторыяй ва Усесаюзным навукова-даследчым інстытуце методыкі і тэхнікі разведкі у горадзе Рэчыца (Гомельская вобласць), у 1977—1978 гадах загадчыка кафедрай ў Краматорскім індустрыяльным інстытуце.

Навуковая дзейнасць

Круг навуковых інтарэсаў Л. Г. Чубрыкава — электроніка, аўтаматыка, фізіка, біялогія, медыцына, анкалогія. Аўтар шэрагу кніг, манаграфіі, аўтар і сааўтар шэрагу патэнтаў.

Сярод апублікаванага:

• Скоростные фильтры сигналов — Гомель: ГГТУ им. П. О. Сухого, 2000.;
• Сущность раковых болезней — Гомель: ГГТУ им. П. О. Сухого, 2004. ISBN 985-420-240-2;
• Всемирный Закон Развития. Вселенная. Болезни и Жизнь. — Гомель: Полеспечать, 2015.;
• Основы промышленной электроники: Учебное пособие для вузов. — Гомель, 2003.;
• Мой путь в науку — Гомель, 2006. — Вып. 3: Очерки о докторах и профессорах — выпускниках и сотрудниках вузов и НИИ Гомельщины. — С. 284—287.

Узнагароды

• Знак «Выдатнік адукацыі Рэспублiкі Беларусь»
• Прэмія імя П. В. Сухога (2002).

Таксама мае баявыя і юбілейныя ўзнагароды.

Літаратура

• Чубрыкаў Леанід Гаўрылавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 283. — 10 000 экз. — ISBN 985-11-0035-8. — ISBN 985-11-0279-2 (т. 17).

Спасылкі

• Чубриков Леонид Гаврилович // Сайт Гомельскага дзяржаўнага тэхнічнага ўніверсітэта імя П. В. Сухога (руск.)
• Сайт Палаты прадстаўнікоў Нацыянальнага сходу Рэспублікі Беларусь (руск.)
• Не стареют душой ветераны // Гомельский областной комитет профсоюза работников образования и науки Архівавана 29 верасня 2019. (руск.)
• Чубрыкаў, Леанід Гаўрылавіч (доктар тэхнічных навук; электроніка; нар. 1926) // Нацыянальная бібліятэка Беларусі
• PatentDB.ru — База патентов РФ на изобретения и промышленные образцы (руск.)