Лембіт Ульфсак

Лембіт Ульфсак (эст.: Lembit Ulfsak; 4 ліпеня 1947, с. Коэру, Эстонская ССР — 22 сакавіка 2017, Талін, Эстонія) — эстонскі акцёр тэатра і кіно, кінарэжысёр. Народны артыст Эстонскай ССР (1986).

Лембіт Ульфсак
эст.: Lembit Ulfsak
Дата нараджэння	4 ліпеня 1947(1947-07-04)
Месца нараджэння	Коэру, Коэру, Павет Ярва, Эстонія
Дата смерці	22 сакавіка 2017(2017-03-22)[…] (69 гадоў)
Месца смерці	Талін, Талін, Хар’юмаа, Эстонія
Месца пахавання	Лясныя могілкі
Грамадзянства	СССР  Эстонія
Бацька	Ёхан Ульфсак[d]
Дзеці	Юхан Ульфсак[d], Марыя Ульфсак-Шэрыпава[d] і Ёханна Ульфсак[d]
Адукацыя	Эстонская акадэмія музыкі і тэатра (1970)
Прафесія	кінарэжысёр, тэлеакцёр, кінаакцёр, тэатральны акцёр, акцёр, сцэнарыст
Гады актыўнасці	1969 — 2017
Узнагароды	Народны артыст Эстонскай ССР[d] (1986) Заслужаны артыст Эстонскай ССР[d] (1989) Балтыйская зорка[d] (2015)
IMDb	ID 0880407
Медыяфайлы на Вікісховішчы

Біяграфія

У 1970 годзе скончыў акцёрскі факультэт Талінскай кансерваторыі. З 1971 года — акцёр Эстонскага маладзёжнага тэатра ў Таліне. У 1978 годзе перайшоў у трупу Талінскага тэатра драмы (імя Віктара Кінгісепа). З 1985 па 1994 гады быў акцёрам кінастудыі «Талінфільм».

У 1976 годзе выканаў ролю Ціля Уленшпігеля ў фільме Аляксандра Алава і Уладзіміра Навумава «Легенда пра Ціля». У 1978 годзе спрабаваўся на ролю Араміса ў фільме Георгія Юнгвальд-Хількевіча «д’Артаньян і тры мушкецёры», але яе не атрымаў.

За Ульфсакам замацавалася амплуа рамантыка і дзівака пасля выканання ролі Містэра Эй у фільме «Мэры Попінс, да пабачэння» рэжысёра Леаніда Квініхідзэ. У 1984 годзе акцёр сыграў ролю Ханса Крысціяна Андэрсена ў фільме Кшыштафа Градоўскага «Акадэмія пана Кляксы», у 1985 годзе — Жака Паганэля ў фільме «У пошуках капітана Гранта» Станіслава Гаварухіна.

У расійскім кіно часта выконваў ролі эстонцаў, з якіх найбольш прыкметныя — начальнік паліцыі Неўман у серыяле «Ісаеў» (2009) Сяргея Урсуляка і галоўны ўрач радзільнага дома Тэпэ ў фільме «Канец цудоўнай эпохі» (2015) Станіслава Гаварухіна.

У 2013 годзе зняўся ў фільме «Мандарыны» грузінскага рэжысёра Зазы Урушадзэ ў ролі старога Іва, які жыве ў эстонскім паселішчы ў Абхазіі, які хавае ў сваім доме двух параненых салдат з варагуючых лагераў. У 2015 годзе фільм быў намінаваны на прэміі «Оскар» і «Залаты глобус» у катэгорыі «Найлепшы фільм на замежнай мове».

Памёр ад анкалагічнага захворвання. Пахаваны на Лясных могілках побач з бацькамі.