Лемяшэвіцкі сельсавет

Лемяшэ́віцкі сельсавет — былая адміністрацыйна-тэрытарыяльная адзінка ў складзе Пінскага раёна Брэсцкай вобласці. Цэнтр — вёска Лемяшэвічы.

Лемяшэвіцкі сельсавет
Краіна Беларусь
Уваходзіць у Пінскі раён
Уключае 8 населеных пунктаў
Адміністрацыйны цэнтр Лемяшэвічы
Дата ўтварэння 12 кастрычніка 1940
Дата скасавання 17 верасня 2013
Насельніцтва (2009) 514
Код аўтам. нумароў 1

Створаны 12 кастрычніка 1940 года ў складзе Пінскага раёна Пінскай вобласці БССР, з 8 студзеня 1954 года — Брэсцкай вобласці. 17 красавіка 1959 года ў склад сельсавета з Качановіцкага сельсавета перададзены вёскі Крывічы, Курадава-I і Курадава-II[1]. 17 верасня 2013 года скасаваны, тэрыторыя далучана да Лапацінскага сельсавета[2].

Насельніцтва сельсавета паводле перапісу 2009 года — 514 чалавек[3], з іх 94,2 % — беларусы[4].

На момант скасавання ў сельсавет уваходзілі 8 населеных пунктаў: вёскі Балгары, Курадава, Лемяшэвічы, Тупчыцы, Хрысцібалавічы, Церабень, Чорнава 1, Чорнава 2.

Зноскі

ЛітаратураПравіць

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.