Ленры Леапольд Уілфрэд Пітэрс (англ.: Lenrie Peters; 1 верасня 1932, Батэрст, Брытанская Гамбія — 28 мая 2009, Дакар) — гамбійскі паэт, празаік, хірург.

Ленры Пітэрс
Асабістыя звесткі
Дата нараджэння 1 верасня 1932(1932-09-01)[1][2]
Месца нараджэння
Дата смерці 28 мая 2009(2009-05-28)[3] (76 гадоў)
Месца смерці
Грамадзянства
Бацька Lenrie Peters Sr.[d]
Альма-матар
Прафесійная дзейнасць
Род дзейнасці хірург, паэт, пісьменнік
Узнагароды
Order of the Republic of The Gambia

Біяграфія правіць

Нарадзіўся ў сям’і крэолаў Сьера-Леонэ  (руск.). У 1949 годзе пераехаў у Сьера-Леонэ, дзе атрымаў адукацыю ў Школе Прынца Уэльскага ва Фрытаўне. З 1952 года працягнуў вучобу ў Трыніці-каледжы ў Кембрыджы, у 1956 годзе атрымаўшы ступень бакалаўра прыродазнаўчых навук. Падчас вучобы быў абраны прэзідэнтам Афрыканскага саюза студэнтаў.

З 1956 па 1959 вучыўся ў бальніцы універсітэцкага каледжа (University College Hospital) у Лондан, у 1959 годзе атрымаў дыплом урача-хірурга.

У 1955—1968 гадах працаваў на радыё Бі-бі-сі, рыхтаваў праграмы для афрыканскіх краін. Займаўся медыцынскай практыкай у Гілфардзе і Нартгемптане. Быў членам Каралеўскай калегіі хірургаў Англіі.

Вярнуўшыся ў Гамбію, працягнуў хірургічную практыку ў Банжуле. Быў філантропам, імкнуўся дзяліцца сваім багаццем з маючымі патрэбу.

Абіраўся прэзідэнтам Гістарычнай камісіі па захаванні помнікаў Гамбіі, быў старшынёй савета дырэктараў Нацыянальнай бібліятэкі Гамбіі і Гамбійскага каледжа (1979—1987).

Памёр у Дакары пасля непрацяглай хваробы.

Творчасць правіць

Аўтар паэтычных зборнікаў «Вершы» (1964), «Спадарожнікі» (1967), «Катчыкалі» (1971), рамана «Другі круг» (1965), напісанага па ўражаннях асабістай медыцынскай практыкі, які распавядае пра стан афрыканскага грамадства напярэдадні здабыцця многімі краінамі незалежнасці.

Абіраўся старшынёй Саюза пісьменнікаў Гамбіі.

Выбраныя творы правіць

  • 1964: Poems (Ibadan: Mbari Publications)
  • 1967: Satellites (London: Heinemann, African Writers Series No. 37)
  • 1971: Katchikali (London: Heinemann, African Writers Series No. 103) ISBN 0-435-90633-X ; ISBN 0-435-90103-6
  • 1981: Selected Poetry (London: Heinemann, African Writers Series No. 238) ISBN 0-435-90238-5

Зноскі

  1. Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
  2. Deutsche Nationalbibliothek Агульны нарматыўны кантроль — 2012—2016. Праверана 16 кастрычніка 2015.
  3. http://thepoint.gm/africa/gambia/article/adieu-lenrie-peters
  4. Deutsche Nationalbibliothek Агульны нарматыўны кантроль — 2012—2016. Праверана 31 снежня 2014.

Літаратура правіць

  • Энциклопедический справочник «Африка». — М.: Советская Энциклопедия. Главный редактор Ан. А. Громыко. 1986—1987.

Спасылкі правіць