Леў Барысавіч Алімаў
Леў Барысавіч Алімаў (нар. 26 лістапада 1945, Брэст) — беларускі мастак-графік, кніжны ілюстратар.
| Леў Барысавіч Алімаў | |
|---|---|
 На адкрыцці Біенале беларускага выяўленчага мастацтва 27 лістапада 2014 г. | |
| Дата нараджэння | 26 лістапада 1945 (78 гадоў) |
| Месца нараджэння | |
| Род дзейнасці | мастак |
| Жанр | кніжная графіка |
| Вучоба | |
| Член у | |
| Узнагароды | |
 Медыяфайлы на Вікісховішчы | |
Біяграфія правіць
Нарадзіўся 26 лістапада 1945 года ў г. Брэсце (Беларусь). Скончыў у 1970 годзе Маскоўскае мастацкае вучылішча памяці 1905 года. Удзельнік мастацкіх выставак з 1970 года[1].
Член Беларускага саюза мастакоў з 1989 года. Жыве ў г. Брэсце[1].
Творчасць правіць
Працуе ў станковай і кніжнай графіцы[1].
Асноўныя творы: лісты «Старая яблыня», «Карані», «Спелы плод», «Новы Вавілон», ілюстрацыі да зборніка паэзіі «Прыбліжэнне» А. Каско[1].
Творы знаходзяцца ў музеі «Кніга» (Масква), Калінінградскай мастацкай галерэі, музеі «Мальбарк» (Польшча), Палацы Нацый ААН (Жэнева), «Бэнксайд галеры» (Лондан), мастацкім музеі штата Місуры (ЗША), Файн Арт-цэнтры (ЗША), «Талер Галерэя Форт» (Іспанія), Музеі гравюры ў Маастрыхце (Нідэрланды), Экслібрыс-цэнтры ў Нансі (Францыя), музеі ўніверсітэта Тамэ (Японія)[1].
Удзельнік больш за 100 міжнародных конкурсных выставак графічнага мастацтва ў Бельгіі, Балгарыі, Вялікабрытаніі, Германіі, Іспаніі, Італіі, Нідэрландах, Польшчы, Расіі, ЗША, на Украіне, у Францыі, у Швецыі, Швейцарыі, Японіі, Эстоніі, Літве, Нарвегіі, Бразіліі. Лаўрэат міжнародных конкурсных выставак графічнага мастацтва. Правёў 6 персанальных выставак у Беларусі, Расіі, Германіі і ЗША.
Узнагароды правіць
Акадэмік графікі Беларускай акадэміі выяўленчых мастацтваў (1995). Узнагароджаны медалём БСМ «За заслугі ў выяўленчым мастацтве» і медалём Францыска Скарыны (2009).
Міжнародны біяграфічны цэнтр (г. Кембрыдж, Вялікабрытанія) назваў Алімава «Чалавекам года», узнагародзіўшы медалём «За дасягненні ў XX стагоддзі».
8 кастрычніка 2015 года Льву Алімаву было прысвоена ганаровае званне Заслужаны дзеяч мастацтваў Рэспублікі Беларусь[2].
-
Валерый Славук і Леў Алімаў у дзень атрымання ганаровых званняў Заслужаных дзеячаў мастацтва Беларусі. 8 кастрычніка 2015 года, «Восеньскі салон» з Белгазпрамбанкам -
Палац мастацтва, 8 кастрычніка 2015 года, «Восеньскі салон» з Белгазпрамбанкам
Зноскі
- ↑ а б в г д Алімаў Леў Барысавіч // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.
- ↑ Почетное звание «Заслуженный деятель искусств Республики Беларусь» присвоено белорусскому художнику-графику Льву Алимову (руск.)
Літаратура правіць
- Алімаў Леў Барысавіч // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.
Спасылкі правіць
На Вікісховішчы ёсць медыяфайлы па тэме Леў Барысавіч Алімаў
