Луксор

Луксо́р (араб. الأقصر‎‎) — горад у Егіпце, на правым беразе Ніла, адміністрацыйны цэнтр мухафазы Луксор з насельніцтвам каля 376000 чалавек.

Горад Луксор араб. الأقصر‎‎ Герб Сцяг Краіна Егіпет Рэгіён Мухафаза Луксор Каардынаты 25°41′49″ пн. ш. 32°38′32″ у. д. Плошча 416 км² Вышыня цэнтра 89 ± 0 м Насельніцтва ▲202 232 чал. (11 лістапада 2006) Часавы пояс UTC+2 Тэлефонны код +20 95 Паштовыя індэксы 85511 Афіцыйны сайт luxor.gov.eg (ар.) Луксор на карце Егіпта

Медыяфайлы на Вікісховішчы

Цэнтр рамесніцкай вытворчасці. Кліматычны курорт. Значны турыстычны цэнтр.

Узнік на месцы старажытных Фіў (сталіца Егіпта ў 21—11 ст. да н. э.). У даўніну егіпцяне назвалі горад «Уасет», грэкі — «стобрамнымі Фівамі».

У Луксоры і яго ваколіцах знаходзяцца некаторыя з найважнейшых археалагічных месцаў Егіпта. З-за значнасці археалагічных помнікаў турызм у горадзе грае найважнейшую ролю.

Луксорскі храм

Асноўны артыкул: Луксорскі храм

На заходняй ускраіне Луксора старажытнаегіпецкі храм багоў Амона-Ра, Мут і Хансу.

Уключае прамавугольны двор з падвойнай каланадай, калонную залу-гіпастыль з 32 калонамі, свяцілішча, уваходны пілон і вялікую цэнтральную каланаду (усе другой палавіны 15 ст. да н. э., архітэктар Аменхатэп Малодшы, аўтары дэкору архітэктары браты Горы і Суці), другі пілон (фланкіраваны шасцю калонамі Рамсеса II) і двор, абкружаны 74 калонамі са статуямі фараонаў паміж імі (1317—1251 да н. э., архітэктар Бекенхонсу). Алеяй сфінксаў злучаўся з Карнакам.

У храме увасобіліся архітэктурныя тэндэнцыі эпохі Новага царства (16—11 ст. да н. э.) — імкненне да грандыёзнасці прасторавай кампазіцыі, яе развіццё па падоўжнай восі, урачыстасць, шырокае выкарыстанне разнастайных па формах калон (лотаса і папірусападобных).

Гл. таксама

• Фівы
• Луксорскі храм
• Медынет-Абу

Літаратура

• Луксор // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. С. 366—367.