Людміла Яфімаўна Цімафеева

Людміла Яфімаўна Цімафе́ева (нар. 1 студзеня 1934, Лесазаводск, Прыморскі край, РСФСР) — беларуская актрыса. Заслужаны артыст Беларускай ССР (1967).

Людміла Яфімаўна Цімафеева
Дата нараджэння	1 студзеня 1934(1934-01-01) (90 гадоў)
Месца нараджэння	Лесазаводск, Лесазаводская гарадская акруга[d], Прыморскі край, РСФСР, СССР
Адукацыя	Беларускі дзяржаўны тэатральна-мастацкі інстытут (1955)
Прафесія	тэатральная актрыса
Тэатр	Беларускі дзяржаўны акадэмічны тэатр юнага гледача
Член у	БСТД
Узнагароды

Біяграфія

Скончыла Беларускі тэатральна-мастацкі інстытут у 1955 годзе. Да 1990 года працавала ў Беларускім рэспубліканскім тэатры юнага гледача.

Члены Беларускага саюза тэатральных дзеячаў з 1956 года.

Творчасць

Выконвала пераважна ролі маладых гераінь: Тоня Туманава («Як гартавалася сталь» паводле М. Астроўскага), Аня Бярозка («Каханне Ані Бярозка» У. Пісталенкі), Ліза («Няроўны бой» В. Розава), Джэма («Авадзень» паводле Э. Войніч), Галінка («За лясамі дрымучымі» А. Вольскага і П. Макаля), Марыя—Вераніка («Зорка Венера» М. Алтухова і Б. Бур’яна), Насця («Несцерка» В. Вольскага). Сярод найбольш значных работ: Яніна, Ядзя («Папараць-кветка» і «Над хвалямі Серабранкі» І. Козела), Эдзіт Піяф (аднайменная п’еса В. Легентава) і інш.

Літаратура

• Стэльмах Дз. У. Цімафеева Людміла Яфімаўна // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).