Людовік Орбан
Людо́вік О́рбан (рум.: Ludovic Orban; нар. 25 мая 1963 года[1], Брашоў, Румынская народная рэспубліка) — румынскі дзяржаўны і палітычны дзеяч і інжынер[2], старшыня Нацыянал-ліберальнай партыі з чэрвеня 2017 года[3]. Прэм’ер-міністр Румыніі з 4 лістапада 2019 года[4] па 7 снежня 2020 года[5], міністр транспарту ў 2007—2008 гг.[6], член Палаты дэпутатаў у 2008—2016 гг.[1]
Біяграфія правіць
Нарадзіўся 25 мая 1963 года[1] ў горадзе Брашоў[6].
Орбан скончыў у 1988 годзе факультэт тэхналогіі машынабудавання Брашоўскага ўніверсітэта, у 1993 годзе — аспірантуру на факультэце палітычных навук Нацыянальнай школы палітычных навук і дзяржаўнага кіравання ў Бухарэсце[1].
У 2002—2010 гг. — старшыня аддзялення Нацыянальнай ліберальнай партыі ў Бухарэсце, член цэнтральнай рады партыі, у 2009—2010 гг. — першы намеснік старшыні партыі[1]. Пасля паражэння на парламенцкіх выбарах 2016 года, на якіх Нацыянал-ліберальная партыя паступілася Сацыял-дэмакратычнай партыі, старшыня партыі Аліна Горгіў сышла ў адстаўку і часова выконваючай абавязкі старшыні стала яе намесніца Ралука Туркан. 17 чэрвеня 2017 года Орбан абраны старшынёй партыі, пасля таго, як быў апраўданы першай судовай інстанцыяй па справе пра карупцыю[3].
Член Палаты дэпутатаў з 2008 па 2016 год[3], у 2009—2011 гг. — намеснік старшыні Палаты дэпутатаў[1].
У 1992—1996 гг. — член мясцовай рады адміністратыўнага сектара 3 Бухареста, у 1996 годзе — член мясцовай рады адміністратыўнага сектара 1 Бухареста. З ліпеня 2004 года па красавік 2007 года — намеснік мэра Бухарэста[1].
У 1999—2000 гг. — статс-сакратар, кіраўнік Дэпартамента інфармацыйнай палітыкі ўрада. З сакавіка 2000 года па май 2001 года — статс-сакратар, прэзідэнт Нацыянальнага агенцтва дзяржаўных служачых (ANFP). З красавіка 2007 года па снежань 2008 года займаў пасаду міністра транспарту ва ўрадзе Кэліна Папеску-Тэрычану[1][6].
10 кастрычніка 2019 года парламент вынес вотум недаверу ўраду Віярыкі Дэнчылэ і прэзідэнт Клаус Яханіс назначыў кандыдатам у прэм’еры Орбана. 4 лістапада 2019 года склад урада Орбана быў зацверджаны парламентам[4]. 5 лютага 2020 года парламент вынес вотум недаверу ўраду Орбана і ён быў адпраўлены ў адстаўку. На наступны дзень прэзідэнт Клаус Яханіс даручыў сфарміраваць урад зноў Орбану[7], аднак пасяджэнне парламента, на якім павінен быў быць зацверджаны гэты кабінет, не адбылося з-за адсутнасці кворуму. 13 сакавіка прэзідэнт Клаус Яханіс даручыў сфарміраваць урад Орбану ў трэці раз. Урад Орбана быў пагоджаны парламентам на наступны дзень[8]. На наступны дзень пасля парламенцкіх выбараў 6 снежня 2020 года, на якіх Нацыянал-ліберальная партыя паступілася Сацыял-дэмакратычнай партыі, Орбан абвясціў аб адстаўцы[5].
Асабістае жыццё правіць
Жанаты, мае сына[1].
З’яўляецца братам былога еўрапейскага камісара Леанарда Орбана.
Зноскі
- ↑ а б в г д е ё ж з Ludovic Orban. Curriculum Vitae (рум.)(недаступная спасылка). Camera Deputatilor (19 снежня 2012). Архівавана з першакрыніцы 2 снежня 2020. Праверана 18 снежня 2020.
- ↑ Ludovic Orban (рум.)(недаступная спасылка). Partidul Național Liberal. Архівавана з першакрыніцы 29 студзеня 2021. Праверана 7 лістапада 2019.
- ↑ а б в Новым лидером оппозиционной Национал-либеральной партии в Румынии избран Людовик Орбан. ТАСС (17 чэрвеня 2017). Праверана 7 лістапада 2019.
- ↑ а б "Кандидат в премьеры Румынии представил новый состав кабмина". РИА Новости. 24 кастрычніка 2019. Праверана 7 лістапада 2019.
- ↑ а б Премьер-министр Румынии объявил об отставке. ТАСС (7 снежня 2020). Праверана 18 снежня 2020.
- ↑ а б в Guvernul cel mai mic (рум.). Ziua (3 красавіка 2007). Архівавана з першакрыніцы 8 красавіка 2008. Праверана 28 лютага 2009.
- ↑ Чевтаева, Ирина. Президент Румынии выдвинул на пост премьера Флорина Кыцу. Deutsche Welle (26 лютага 2020). Праверана 18 снежня 2020.
- ↑ Президент Румынии выдвинул на должность премьер-министра Лудовика Орбана. ТАСС (13 сакавіка 2020). Праверана 18 снежня 2020.
Спасылкі правіць
- Ludovic Orban. Curriculum Vitae (рум.)(недаступная спасылка). Camera Deputatilor (19 снежня 2012). Архівавана з першакрыніцы 2 снежня 2020. Праверана 18 снежня 2020.