Лявон Карась

Лявон Карась
Лявон Карась
Род дзейнасці	журналіст
Дата нараджэння	20 лістапада 1923
Месца нараджэння	Дзямідзенкі, гміна Глыбокае, Дзісенскі павет, Віленская зямля, Польская Рэспубліка;
Дата смерці	7 верасня 1954 (30 гадоў)
Месца смерці	Мюнхен, Верхняя Баварыя, Баварыя, ФРГ;
Месца пахавання	могілкі Перлахер Форст[d];
Грамадзянства	Германія;
Месца працы	Радыё Свабода;
Альма-матар	Лёвенскі каталіцкі ўніверсітэт; Беларуская гімназія імя Янкі Купалы;
Член у	Саюз беларускай моладзі; Згуртаванне беларусаў у Вялікай Брытаніі; Згуртаванне беларускіх камбатантаў[d]; БХАА «Жыццё»[d];

Лявон (Леанід) Карась (20 лістапада 1923, в. Дзямідзенкі, Дзісенскі павет, Віленскае ваяводства, цяпер Докшыцкі раён — 7 верасня 1954, Мюнхен, Германія) — беларускі журналіст, грамадскі дзеяч.

Біяграфія

Працаваў настаўнікам. У гады 2-й сусветнай вайны быў адным з кіраўнікоў СБМ. У 1944 годзе выехаў з Беларусі, жыў у Германіі. У беларускім лагеры ў Міхельсдорфе працаваў у лагернай ахове і вучыўся ў Беларускай гімназіі імя Я. Купалы. З 1948 года сябра маладзёжнай арганізацыі «Дванаццатка», разам з іншымі сябрамі ў тым жа годзе як перамешчаная асоба прыбыў у Вялікабрытанію. Працаваў у вугальных капальнях. Сябра ЗБВБ, Згуртавання беларускіх камбатантаў і БХАА «Жыццё».

У 1950 г. выехаў у Бельгію, атрымаўшы стыпендыю для навучання ў Лювенскім універсітэце. Вучыўся на агранамічным факультэце.

У пачатку 1954 г. пераехаў у Мюнхен, дзе працаваў перакладчыкам на радыё «Вызваленне» («Свабода»).

Забіты пры нявысветленых абставінах, паводле адной з версій, савецкімі агентамі. Цела са слядамі катаванняў знайшлі ў рацэ Ізар.