Лядцо (Пухавіцкі раён)

Лядцо
Краіна	Беларусь
Вобласць	Мінская
Раён	Пухавіцкі
Сельсавет	Навасёлкаўскі
Каардынаты	53°32′07″ пн. ш. 28°05′58″ у. д.HGЯO
Насельніцтва	▼129 чал. (2019);
Часавы пояс	UTC+3
Тэлефонны код	+375 1713
Паштовыя індэксы	222847
Аўтамабільны код	5
	Лядцо на Вікісховішчы

Лядцо́^[1] (трансліт.: Liadco) — вёска ў Пухавіцкім раёне Мінскай вобласці. Уваходзіць у склад Навасёлкаўскага сельсавета. Месціцца за 4,5 км на паўночны захад ад Мар’інай Горкі, 57,5 км ад Мінска.

Назва

Назва паходзіць ад слова «ля́да» — дзялянка высечанага лесу, хмызняку, высека; або расчышчанае месца ў лесе пад пасеў або пад сенажаць^[2].

Гісторыя

Ранняя гісторыя

У 1816 годзе ў Ігуменскім павеце Мінскай губерні, уласнасць Ратынскіх. Пасля 1861 года ў Навасёлкаўскай воласці Ігуменскага павета. Адносілася да Навасёлкаўскага праваслаўнага прыходу.

Паводле перапісу 1897 года сярод насельніцтва былі распаўсюджаны рамёствы па вырабе колаў, саней і вупражы.

Найноўшы час

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай воласць абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. У 1929 годзе праведзена прымусовая калектывізацыя, створаны калгас «Новае Лядцо». У 1933 годзе быліі сталярная майстэрня, кузня.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

Насельніцтва

1816 год — 28 двароў, 160 жыхароў
1858 год — 103 рэвізскія душы
1897 год — 68 двароў, 407 жыхароў
1917 год — 95 двароў, 439 жыхароў
1926 год — 90 двароў, 410 жыхароў
1960 год — 427 жыхароў
2002 год — 72 двары, 155 жыхароў
2009 год — 140 жыхароў
2019 год — 129 жыхароў^[3]

Інфраструктура

Ёсць пачатковая школа, крама.

Вядомыя асобы

Ганна Андрэеўна Язубчык (1904—1975) — беларуская вучоная ў галіне сельскай мікрабіялогіі.

Крыніцы

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
↑ ляда - Тлумачальны слоўнік беларускай літаратурнай мовы (2002, правапіс да 2008 г.) (нявызн.). verbum.by. Праверана 3 чэрвеня 2024.
↑ Belarus (нявызн.). pop-stat.mashke.org. Праверана 26 красавіка 2024.

Літаратура

Блужа // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 156. — 2 000 экз. — ISBN 978-985-11-0735-9.
Памяць: Пухавіцкі раён: Гісторыка-дакументальныя хронікі гарадоў і раёнаў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.
Letcy // Słownik geograficzny Królestwa Polskiego i innych krajów słowiańskich. Tom V: Kutowa Wola — Malczyce (польск.). — Warszawa, 1884. — S. 182.

Спасылкі

На Вікісховішчы ёсць медыяфайлы па тэме Лядцо (Пухавіцкі раён)

[1] Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)

[2] ляда - Тлумачальны слоўнік беларускай літаратурнай мовы (2002, правапіс да 2008 г.) (нявызн.). verbum.by. Праверана 3 чэрвеня 2024.

[3] Belarus (нявызн.). pop-stat.mashke.org. Праверана 26 красавіка 2024.

[1]

[2]

[3]