Лізавета Саламонаўна Весніна

Лізавета Саламонаўна Весніна́ (сапраўднае прозвішча Ядзіткіна-Весніна; нар. 28 кастрычніка 1917, Сухумі — 5 мая 2013) — беларуская актрыса. Заслужаны артыст Беларускай ССР (1961).

Лізавета Саламонаўна Весніна
Дата нараджэння	28 кастрычніка 1917(1917-10-28)
Месца нараджэння	Сухумі, Сухумская акруга[d], Расійская імперыя
Дата смерці	5 мая 2013(2013-05-05) (95 гадоў)
Месца пахавання	Нова-Волкаўскія могілкі
Грамадзянства	СССР  Расія
Муж	Яўген Максімавіч Палосін
Прафесія	акцёрка
Тэатр	Гомельскі абласны драматычны тэатр Брэсцкі акадэмічны тэатр драмы імя Ленінскага камсамола Беларусі Нацыянальны акадэмічны драматычны тэатр імя Максіма Горкага
Член у	БСТД
Прэміі
Узнагароды

Біяграфія

У 1939 годзе скончыла Ленінградскую тэатральную студыю (курс Б. Зона). Сцэнічную дзейнасць пачала ў Гомельскім абласным рускім драматычным тэатры з 1939 па 1941 і з 1945 па 1946 год, у 1946—1948 гадах працавала ў Магілёве, куды быў пераведзены тэатр, у 1948—1949 гадах у Брэсцкім абласным драматычным тэатры, дзе выконвала галоўным чынам эпізадычныя ролі, у 1949—1977 гадах у Дзяржаўным рускім драматычным тэатры ў Мінску.

Член Беларускага саюза тэатральных дзеячаў з 1947 года.

Творчасць

Выканаўца вострахарактарных роляў. Сярод лепшых: Мар’я («Галоўная стаўка» К. Губарэвіча), Каця («Варвары» М. Горкага), Лушка («Узнятая цаліна» паводле М. Шолахава), Святлана («Яе сябры» В. Розава), Паэма («Не называючы прозвішчаў» В. Мінко), Калугіна («Таварышы па працы» Э. Брагінскага і Э. Разанава).

Сям’я

У шлюбе з акцёрам Яўгенам Максімавічам Палосіным (1911—1981).

Літаратура

• Весніна Лізавета Саламонаўна // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• Веснина (Едиткина) Елизавета Соломоновна (руск.) // Дзяржаўная ўстанова «Нацыянальны акадэмічны драматычны тэатр імя М. Горкага»
• Елизавета Веснина (Едитктна) // КИНО-ТЕАТР.РУ (руск.)