Літаратура і мастацтва (газета)

газета

«Літарату́ра і маста́цтва» — беларуская штотыднёвая літаратурная газета.

«Літаратура і Мастацтва»
Выява лагатыпа
Выпуск газеты за 12 верасня 2014 г., №36 (4785)
Арыгінальная
назва
Lìtaratura ì mastactva[1]
Тып штотыднёвая
Уладальнік Міністэрства інфармацыі Рэспублікі Беларусь, ГА «Саюз пісьменнікаў Беларусі», Выдавецкі дом «Звязда».
Краіна
Рэдактар Аляксей Чарота
Галоўны рэдактар Хацкель Майсеевіч Дунец
Заснавана 1932 год
Мова беларуская
Галоўны офіс Мінск, пр. Незалежнасці, 77
Тыраж каля 1000
ISSN 0024-4686
Вэб-сайт zviazda.by/be/edition/li…

Гісторыя правіць

Выдаецца з 26 лютага 1932 года[2]. Выходзіла ў Мінску адзін раз на тыдзень (па пятніцах) на беларускай мове на 16 старонках (у 19571970 гадах выдавалася двойчы на тыдзень).

У Вялікую Айчынную вайну не выходзіла. Выданне адноўлена ў красавіку 1945 года.

Свае першыя творы на старонках «ЛіМ» публікавалі Іван Мележ, Іван Шамякін, Васіль Быкаў, Уладзімір Караткевіч, Яўгенія Янішчыц, Алесь Разанаў, Алесь Пісьмянкоў і іншыя вядомыя беларускія пісьменнікі і паэты.

Сучаснасць правіць

У цяперашні час заснавальнікамі выдання з'яўляюцца Міністэрства інфармацыі Рэспублікі Беларусь, ГА Саюз пісьменнікаў Беларусі, Выдавецкі дом «Звязда».

У 2002—2012 гадах уваходзіла у склад РВУ «Літаратура і Мастацтва». У 2012 годзе газета «Літаратура і Мастацтва» перайшла, разам з шэрагам іншых друкаваных выданняў, да новаўтворанага Выдавецкага дома «Звязда», з захаваннем мінулай падпіскі[3].

Тыраж каля 1 тысячы асобнікаў.

Штат рэдакцыі складаецца з аддзелаў інфармацыі, публіцыстыкі, крытыкі, прозы і паэзіі, мастацтва.

Да 2010 года выходзіла на 16 старонках. У 2010 аб'ём газеты павялічыўся да 24 старонак за кошт дадатка «Кніжны свет» (выходзіў на беларускай і рускай мовах) — сумеснага праекта газеты «Літаратура і мастацтва» і Нацыянальнай кніжнай палаты. З 2013 года колькасць старонак зноў складае 16 (хоць «Кніжны свет» выходзіць і далей).

Галоўныя рэдактары правіць

Зноскі

Літаратура правіць

  • «Літаратура і мастацтва» // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 427. — 800 с. — 5 000 экз. — ISBN 985-11-0026-9.

Спасылкі правіць