Людміла Мікалаеўна Ганчарова

Людміла Мікалаеўна Ганчарова (19 студзеня 1950, Мінск) — беларускі мастак тэатра.

Людміла Мікалаеўна Ганчарова
Дата нараджэння	19 студзеня 1950(1950-01-19) (74 гады)
Месца нараджэння	Мінск, БССР, СССР
Род дзейнасці	сцэнограф
Месца працы	Беларусь Нацыянальны акадэмічны тэатр імя Янкі Купалы Нацыянальны акадэмічны Вялікі тэатр оперы і балета Рэспублікі Беларусь
Вучоба	Беларускі дзяржаўны тэатральна-мастацкі інстытут (1973)
Член у	БСТД

Біяграфія

Скончыла Беларускі тэатральна-мастацкі інстытут у 1973 годзе. У 1973—1980 гадах мастацкі рэдактар выдавецтва «Беларусь», з 1983 года ў Нацыянальным акадэмічным тэатры оперы Беларусі (з 1989 мастак-пастаноўшчык).

Член Беларускага саюза тэатральных дзеячаў з 2003 года.

Творчасць

Высокая культура малюнка, сакавітасць і гарманічная прыгажосць каларыту вызначаюць створаныя ёю эскізы касцюмаў да оперы «Кавалер руж» Р. Штрауса (1989), «Пікавая дама» П. Чайкоўскага (1993), балета «Карсар» А. Адана (1991), афармленне опер «Мадалена» С. Пракоф’ева (1989), «Рыгалета» Дж. Вердзі (1994), «Кармэн» Ж. Бізэ (1995), «Князь Ігар» А. Барадзіна (1996), фантазіі «Шэкспір і Вердзі» (1992). Па яе эскізах створаны таксама касцюмы да спектакляў «Залёты» В. Дуніна-Марцінкевіча (1992) у Беларускім тэатры імя Я. Коласа, «Ідылія» Дуніна-Марцінкевіча (1993) у Беларускім тэатры імя Я. Купалы і інш.

Літаратура

• В. М. Ляўко. Ганчарова Людміла Мікалаеўна // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).