Адкрыць галоўнае меню

Магілёўскае аддзяленне Беларускай чыгункі

ажыццяўляе транспартнае абслугоўванне ўсходняй часткі Рэспублікі Беларусь, ажыццяўляе перавозкі ў 24 раёнах 4 абласцей Рэспублікі Беларусь (Магілёўскай, Мінскай, Гомельскай, Віцебскай)

Транспартнае рэспубліканскае ўнітарнае прадпрыемства «Магілёўскае аддзяленне Беларускай чыгункі» ажыццяўляе транспартнае абслугоўванне ўсходняй часткі Рэспублікі Беларусь, мае 1175 км. галоўных пуцей, 783 км. — пад'язных і станцыйных пуцей, ажыццяўляе перавозкі ў 24 раёнах 4 абласцей Рэспублікі Беларусь (Магілёўскай, Мінскай, Гомельскай, Віцебскай).

ГісторыяПравіць

Упершыню ў межах цяперашняга Магілёўскага аддзялення Беларускай чыгункі рух цягнікоў быў адкрыты ў 1873 годзе на ўчастку МінскГомель Лібава-Роменскай чыгункі, якая злучыла горад Бабруйск з партамі Балтыйскага і Чорнага мораў, з індустрыяльнымі цэнтрамі Беларусі, Украіны, Польшчы і Расіі. Чыгунка ўзяла на сябе асноўную частку перавозкі грузаў, спрыяючы развіццю прамысловасці горада на Бярэзіне. Толькі ў канцы 1902 года было прынята рашэнне аб будаўніцтве чыгуначнай лініі ад Віцебска да Жлобіна праз Магілёў. У 1914 годзе пачалося будаўніцтва чыгункі на ўчастку ОршаКрычаўУнеча. Аднак з-за Першай сусветнай вайны і Грамадзянскай вайны рух быў адкрыты толькі ў 1923 годзе. Будаўніцтва ў 1931 годзе лініі РослаўКрычаў—Магілёў—Асіповічы зрабіла горад Крычаў буйным чыгуначным вузлом Маскоўска-Беларуска-Балтыйскай дарогі.

Вялікая Айчынная вайна нанесла чыгунцы вялікія страты і разбурэнні.

4 кастрычніка 1946 года загадам № 829 Міністра шляхоў зносін СССР Першым начальнікам Магілёўскага аддзялення прызначаецца падпалкоўнік руху Мядзведзеў Аляксандр Аляксеевіч.

З 1950 года ў паравозныя дэпо аддзялення пачынаюць паступаць больш магутныя паравозы для грузавога і пасажырскага руху серый З, СА, СУ.

1957 год - ва ўсіх паравозных дэпо аддзялення пачынаецца актыўная работа па пераабсталяванні паравозаў з вугальнага на нафтавае паліва.

Буйныя залежы сільвеніта, выяўленыя ў Старобінскім раёне, і наступнае будаўніцтва калійных камбінатаў пацягнула адкрыццё 2 чэрвеня 1959 года руху на ўчастку СлуцкСалігорск, будаўніцтва шэрагу станцый калійнага вузла і развіццё станцыі Слуцк.

У 1961 годзе у склад Магілёўскага аддзялення перадаюцца станцыі Журбін, Шасцёраўка і Крычаў-2. На аддзяленні створана Магілёўская вузлавая аўтабаза, заканчваецца будаўніцтва аддзяленчай бальніцы.

3 лістапада 1972 года на станцыю Асіповічы прыбыў першы электрацягнік.

1985 г. – у лакаматыўным дэпо Магілёў у эксплуатацыю здаецца цэх тыпу «ПЛАУЭН» для арганізацыі тэхабслугоўвання манеўровых цеплавозаў ЧМЭ-3.

У 1988 годзе на чыгуначным участку Орша—Магілёў—Жлобін пачынаюцца працы па падаўжэнні пуцей станцый з паралельнай кладкай другога галоўнага пуці на перагоне Латва-Палыкавіцкія Хутары.

У 1989 годзе у Асіповіцкім вагонным дэпо ўведзены ў эксплуатацыю комплекс будынкаў для арганізацыі капітальнага рамонту буйнатанажных кантэйнераў.

Структурныя падраздзяленніПравіць

Станцыі

  • Станцыя Магілёў
  • Станцыя Калій
  • Станцыя Асіповічы

Лакаматыўныя дэпо

  • Лакаматыўнае дэпо Магілёў
  • Лакаматыўнае дэпо Асіповічы
  • Лакаматыўнае дэпо Крычаў

Вагонныя дэпо

  • Магілёўскае вагоннае дэпо
  • Асіповіцкае вагоннае дэпо

Дыстанцыі пуці

  • Магілёўская дыстанцыя пуці
  • Асіповіцкая дыстанцыя пуці
  • Крычаўская дыстанцыя пуці
  • Бабруйская дыстанцыя пуці

Дыстанцыі сігналізацыі і сувязі

  • Магілёўская дыстанцыя сігналізацыі і сувязі
  • Асіповіцкая дыстанцыя сігналізацыі і сувязі

Іншыя прадрыемствы

  • Магілёўская дыстанцыя грамадзянскіх збудаванняў
  • Магілёўская дыстанцыя ахоўных лесанасаджэнняў
  • Магілёўская дыстанцыя электразабеспячэння
  • Магілёўскі вагонны ўчастак
  • Магілёўгрузсэрвіс
  • Магілёўская база (транспартная)
  • Аддзел матэрыяльна-тэхнічнага забеспячэння
  • Культурна-спартыўны цэнтр
  • Санаторый «Дубравенка»

Даччынае прадпрыемства

  • Сельскагаспадарчае рэспубліканскае даччынае унітарнае прадпрыемства “Авангард”.

Начальнікі Магілёўскага аддзяленняПравіць

  • Мядзведзеў Аляксандр Аляксеевіч (1946-1957)
  • Карасцялёў Дзмітрый Паўлавіч (1957-1958)
  • Ганчароў Павел Сцяпанавіч (1958-1962)
  • Пракапішэк Міхаіл Максімавіч (1962-1980)
  • Халімоненка Віктар Васільевіч (1980-1985)
  • Чэпелаў Уладзімір Тарасавіч (1985-1988)
  • Шкапіч Сцяпан Ільіч (1988-1990)
  • Жэрало Уладзімір Ільіч (1990-1995)
  • Лапцінскі Уладзімір Міхайлавіч (1995-2005)
  • Марозаў Уладзімір Міхайлавіч (2005-2012)
  • Маісееў Аляксандр Анатольевіч (2012-ц.ч.)

ЛітаратураПравіць

  • История Белорусской железной дороги из XIX века в век XXI. / В.В. Яновская и др. - Минск: “Мастацкая літаратура”, 2012. – 955с. ISBN 978-985-02-1375-4.
  • Железная дорога Беларуси: История и современность. В. Г. Рахманько, А. В. Бессольнов, В. А. Шоба и др. Под общей редакцией В. Г. Рахманько. — Мн.: ОДО «Триолета», 2001. — 488 с. ISBN 985-6533-02-3.
  • Могилёвский меридиан: история развития Могилёвского отделения дороги / Виктор Юшкевич. - Могилёв: Могилёвская областная укрупнённая типография, 2005. – 416 с. : ил. 268. ISBN 985-6738-46-6.