Беларуска-Расійскі ўніверсітэт

Міждзяржаўная адукацыйная ўстанова вышэйшай адукацыі «Беларуска-Расійскі ўніверсітэт» (народная назва Машынка) — буйны рэгіянальны навукова-адукацыйны цэнтр. Знаходзіцца ў г. Магілёве, Рэспубліка Беларусь.

Беларуска-Расійскі ўніверсітэт (БРУ)
Міждзяржаўная адукацыйная ўстанова вышэйшай адукацыі «Беларуска-Расійскі ўніверсітэт»
Арыгінальная назва	Міждзяржаўная адукацыйная ўстанова вышэйшай адукацыі «Беларуска-Расійскі ўніверсітэт»
Міжнародная назва	Belarusian-Russian University
Ранейшыя назвы	Магілёўскі машынабудаўнічы інстытут, Магілёўскі дзяржаўны тэхнічны універсітэт
Заснаваны	1 верасня 1961
Тып	універсітэт
Рэктар	Міхаіл Яўгенавіч Лусцянкоў
Студэнты	каля 4000
Дактары	22
Выкладчыкаў	больш за 350
Размяшчэнне	Магілёў
Сайт	bru.by
Медыяфайлы на Вікісховішчы

Гісторыя

Магілёўскі машынабудаўнічы інстытут быў адкрыты 1 верасня 1961 года ў адпаведнасці з Пастановай Савета Міністраў СССР ад 10 жніўня 1961 года № 714 і Пастановай Савета Міністраў БССР от 22 жніўня 1961 года № 504.

Загадам міністра адукацыі Рэспублікі Беларусь № 198 ад 17 мая 2000, Магілёўскі машынабудаўнічы інстытут пераўтвораны ў Магілёўскі дзяржаўны тэхнічны ўніверсітэт (МДТУ).

У адпаведнасці з Пагадненнем паміж Урадам Рэспублікі Беларусь і Урадам Расійскай Федэрацыі, подпісаным у г. Магілёве 19 студзеня 2001, загадамі Міністэрства адукацыі Расійскай Федэрацыі і Міністэрства адукацыі Рэспублікі Беларусь № 3862/518 ад 28.11.2001 і № 2102/206 ад 15.05.2003, і загадам Міністэрства адукацыі Рэспублікі Беларусь № 371 ад 23.09.2003 універсітэт пераўтвораны ў Дзяржаўную ўстанову вышэйшай прафесійнай адукацыі «Беларуска-Расійскі ўніверсітэт».

Структура ўніверсітэта

Факультэты:

• аўтамеханічны,
• машынабудаўнічы,
• будаўнічы,
• эканамічны,
• электратэхнічны,
• інжэнерна-эканамічны,
• завочны,
• давузаўскай падрыхтоўкі і прафарыентацыі.

У складзе факультэтаў працуюць 29 кафедр.

У склад універсітэта таксама ўваходзяць:

• Інстытут павышэння кваліфікацыі і перападрыхтоўкі кадраў,
• Франка-Беларускі інстытут кіравання,
• архітэктурна-будаўнічы каледж,
• ліцэй.

Ва ўніверсітэце працуюць навукова-даследчы сектар, праблемныя навукова-даследчыя лабараторыі і навукова-вытворчыя цэнтры.

Перыядычна выдаецца навуковы часопіс «Веснік Беларуска-Расійскага ўніверсітэта» і зборнік навуковых прац, штогод праводзяцца міжнародныя навукова-тэхнічныя канферэнцыі.

Вучэбны працес адбываецца ў сямі вучэбных карпусах.

Сістэма менеджмента якасці

У сакавіку 2010 года Беларуска-Расійскі ўніверсітэт атрымаў сертыфікат адпаведнасці сістэмы менеджмента якасці ў вобласці вышэйшай адукацыі ў адпаведнасці з МС ІСО 9001:2008.

Падрыхтоўка спецыялістаў

Падрыхтоўка спецыялістаў ажыццяўляецца па 16 спецыяльнасцях і 31 спецыялізацыі па беларускіх адукацыйных стандартах і 7 спецыяльнасцях па расійскіх адукацыйных стандартах, Архітэктурна-будаўнічы каледж вядзе падрыхтоўку па 4, а ІПК дазваляе прайсці перападрыхтоўку і атрымаць другую вышейшую адукацыю па 9 спецыяльнасцях.

Колькасць студэнтаў ва ўниверсітэце звыш 7500 чалавек, агульная колькасць навучэнцаў ва ўсіх структурных падраздзяленнях ВНУ дасягае 12000 чалавек.

У рамках універсітэта развіваецца сістэма непрерыўнага адукацыйнага працеса: ліцэй ― Архітэктурна-будаўнічы каледж ― універсітэт ― інстытут павышення кваліфікацыі і перападрыхтоўкі кадраў.

Падрыхтоўка спецыялістаў вышэйшай кваліфікацыі ажыццяўляецца праз магістратуру і аспірантуру па 15 навуковых спецыяльнасцях, дзейнічаюць два спецыялізаваныя саветы па абароне доктарскіх і кандыдацкіх дысертацый.

Рэктары

• (1961—1969) — Аляксандр Аляксеевіч Барысаў
• (1969—1975) — Сяргей Міхайлавіч Бялоў
• (1975—1987) — Віталій Іванавіч Халзакоў
• (1987—1998) — Віктар Іванавіч Ходыраў
• (1998—2018) — Ігар Сяргеевіч Сазонаў
• (з 2018) — Міхаіл Яўгенавіч Лусцянкоў

Гл. таксама

• Галоўны корпус Беларуска-Расійскага ўніверсітэта

Спасылкі

• (руск.)газета Беларуска-Расійскага ўніверсітэта «Паралель»(недаступная спасылка)
• (руск.)Афіцыйны сайт Беларуска-Расійскага ўніверсітэта
• (руск.)Абитуриент.by. Беларуска-Расійскі ўніверсітэт
• (руск.)Даведнік абітур’ента. ВНУ г. Магілёва