Мазырскі дзяржаўны педагагічны ўніверсітэт імя І. П. Шамякіна
Мазырскі дзяржаўны педагагічны ўніверсітэт імя І. П. Шамякіна — вышэйшая навучальная ўстанова ў Мазыры (Гомельская вобласць, Беларусь).
| Мазырскі дзяржаўны педагагічны ўніверсітэт імя І. П. Шамякіна (МДПУ імя І. П. Шамякіна) | |
|---|---|
 | |
 | |
| Заснаваны | 1944 |
| Студэнты | 3993 (2016) |
| Дактары | 6 (2015) |
| Размяшчэнне | Мазыр |
| Юрыдычны адрас | 247760, Беларусь, Гомельская вобл., г. Мазыр, вул. Студэнцкая, 28 |
| Сайт | mspu.by |
Універсітэт рыхтуе спецыялістаў па 15 спецыяльнасцях, 6 напрамках, 2 спецыялізацыях і 16 дадатковых спецыяльнасцях. На пачатак 2006—2007 навучальнага года ва ўніверсітэце навучалася 8392 студэнты (у тым ліку 3902 на дзённай і 4490 на завочнай форме навучання).
Гісторыя правіць
Заснаваны на базе Рагачоўскага настаўніцкага інстытута ў 1944 годзе як Мазырскі настаўніцкі інстытут. Першы выпуск спецыялістаў адбыўся ў 1946 годзе. У 1952 годзе рэарганізаваны ў Мазырскі педагагічны інстытут. У 1964 годзе інстытуту прысвоена імя Н. К. Крупскай. У 2002 годзе інстытут быў рэарганізаваны ў Мазырскі дзяржаўны педагагічны ўніверсітэт, якому ў 2006 годзе ўказам Прэзідэнта было прысвоена імя народнага пісьменніка Беларусі Івана Шамякіна.
Факультэты правіць
У складзе МДПУ 6 факультэтаў:
- Тэхнолага-біялагічны факультэт
- Факультэт дашкольнай і пачатковай адукацыі
- Факультэт фізічнай культуры
- Фізіка-інжынерны факультэт
- Філалагічны факультэт
- Факультэт павышэння кваліфікацыі і перападрыхтоўкі кадраў
Рэктары правіць
- (1944—1944) — Міхаіл Фядотавіч Жаўрыд
- (1944—1945) — Ануфрый Сцяпанавіч Нікіцін
- (1945—1950) — Аляксандр Георгіевіч Карафан[1]
- (1950—1952) — Федот Акімавіч Калінін
- (1952—1968) — Андрэй Пятровіч Эльман
- (1968—1974) — Валянцін Мікалаевіч Шкурко
- (1974—1983) — Міхаіл Апанасавіч Дзмітрыеў
- (1983—1997) — Уладзімір Аляксандравіч Дударэнка
- (1997—2018) — Валянцін Васільевіч Валетаў
- (з 2018) — Валерый Мікалаевіч Наўныка
Вядомыя выпускнікі і выкладчыкі правіць
- Міхаіл Апанасавіч Дзмітрыеў (1921—2001) — доктар педагагічных навук, прафесар, Герой Сацыялістычнай Працы. Скончыў Мазырскі педагагічны інстытут у 1941 годзе[2]. Рэктар інстытута у 1974—1984 гадах.
- Уладзімір Аляксандравіч Дударэнка (нар. 1934) — скончыў інстытут ў 1956 годзе, рэктар інстытута ў 1983—1997 гадах.
- Святлана Георгіеўна Ціханоўская (нар. 1982) — скончыла ўніверсітэт у 2004 годзе, беларуская палітычная дзяячка, кандыдат у Прэзідэнты Рэспублікі Беларусь на выбарах 2020 года.
Зноскі
Літаратура правіць
- Мазы́рскі педагагі́чны інстыту́т // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 455. — 800 с. — 5 000 экз. — ISBN 985-11-0026-9.